Nerf-af Cottage and Rooms

Selfsorg

Soos Gesien op Facebook
Kapasiteit: 9 persone
Inkloktyd: 14:00 tot 18:00
Uitkloktyd: 10:00
Adres: Bosplasie-singel 14, Onrusrivier, 7201, Wes-Kaap
Alle ouderdomme is welkom
Vanaf R895 per nag, vir 2 mense

Beskrywing

Nerf-Af Kamers en Kothuis bied luukse verblyf in Onrusrivier, 'n kusdorpie in die prentjiemooi Overberg. Die Kothuis is ideaal vir 'n gesin. Onrusrivier is net 'n paar minute van Hermanus af tussen berge, riviere, strandmere en die turkooisblou-oseaan en is naby die bekende Hemel-en-Aarde-vallei, die Whale Coast-inkopiesentrum en bekende restaurante in die omgewing.

Nerf - Af Kamers en Kothuis bied verblyf aan in 'n nuutgeboude, moderne Huis en Kothuis. Daar is twee privaat en-suite slaapkamers in die hoofhuis; die king's en die queen's-kamers. Elk met 'n privaat ingang en stoepie.

Die kothuis se dekor is hoofsaaklik eklektiek, met oud en nuut gemeng en baie smaakvol. Serina is 'n dekor-stilis. Die kothuis beskik oor 2 slaapkamers wat slaapplek aan 4 volwassenes en 1 kind bied. Die hoofslaapkamer het 'n koningingrootte-bed en die tweede slaapkamer het 2 enkelbeddens wat as 'n koninggrootte-bed opgemaak kan word. Die leefarea het twee dagbeddens en bied ideale slaapplek aan 'n kind.

Daar is 'n gasstoof met 'n elektriese oond, mikrogolf, en 'n yskas in die kombuis. 'n Skottelgoedwasser is beskikbaar vir groter gesinne. Daar is ook 'n kaggel in die leefarea. 'n Gemakstoel en twee dag beddens bied gerieflike sitplek aan in die leefarea. Die eetarea het 'n eetkamertafel waarby 6 persone gemaklik kan aansit. 'n TV met DStv en 10mbps WiFi is beskikbaar. Die oopvoudeure in die leefarea maak oop na die stoep met 'n braai-area. Die openbare speelpark vir kinders langs die huis is maklik toeganklik met 'n hekkie vanaf die eiendom.

Die 2 luukse, individuele en suite-kamers in die hoofhuis, is elk uniek gemeubileer en het elk 'n privaat ingang en hul eie badkamer en stoepie. Ideaal vir 'n romantiese wegbreek vir 2 persone. Gaste het 'n uitsig oor die privaat tuin en die berg vanaf die stoepie. Hierdie twee kamers kan saam met die kothuis bespreek word, om dit geskik te maak vir groter groepe van 10.

Onrus het 'n baie gewilde kuspaadjie langs die see en die strandmeer, asook kronkelende voetpaadjies onderdeur melkhoutbome. Die bekende Davie's en Jan Rabe-rotspoele is baie gewild vir swem en snorkel.

Onrus se Blouvlagstrand lok duisende branderplankryers oor die wêreld. Ander nabygeleë aktiwiteite sluit in, walviskyk, haaihokduik, hengel, fietsry, wynproe- en voetslaanroetes.

Hermanus is slegs 5km vanaf Onrusrivier geleë. Bekende restaurante en wynproe-geleenthede in die Hemel-en-Aarde Vallei, maak die omgewing baie gewild. Kuns en kultuur vorm 'n groot deel van hierdie kusstreek.

Kry ’n Kwotasie