Oakvlei Farm

Selfsorg

Soos Gesien op Instagram
Kapasiteit: 8 persone
Inkloktyd: 14:00 tot 19:00
Uitkloktyd: 10:00
Adres: D56, Oakvlei-plaas, Mooirivier, 3300, KwaZulu-Natal
Alle ouderdomme is welkom
Vanaf R3 200 per nag, vir 8 mense

Beskrywing

Oakvlei Farm is 'n pragtige plaashuis in Mooirivier, KwaZulu-Natal. Die plaashuis is deel van Niekerksfontein-plaas wat 'n melkplaas in die KwaZulu-Natalse Middellande is. Gaste kan hier oornag onderweg na bestemmings aan die kus of in die binneland, die verskeie besienswaardighede op die Midlands Meander verken of net in die rustige omgewing ontspan en 'n onvergeetlike tyd hê.

Die plaashuis beskik oor 4 slaapkamers, 2 badkamers en 'n gastebadkamer. Die hoofslaapkamer het 'n koningingrootte-bed en 'n en suite-badkamer met 'n stort. Die tweede slaapkamer het 'n dubbelbed en die ander 2 slaapkamers het elkeen 2 enkelbeddens. Dié kamers deel 'n badkamer met 'n stort en 'n bad. Daar is 'n aparte gastetoilet.

Die plaashuis bied 'n groot aparte kombuis, 2 sitkamers en 2 kaggels. Die kombuis is met 'n gasstoof, oond, yskas-vrieskas, mikrogolfoond, eetgerei en breekware toegerus. Die sitareas het gemaklike rusbanke, 'n etenstafel met oorgenoeg sitplek en 'n TV. Gratis WiFi is beskikbaar.

Daar is ook 'n sonnige stoep met 'n sitarea, 'n omheinde tuin en 'n pragtige uitsig oor die uitgestrekte velde. Braaigeriewe is beskikbaar. Vuurmaakhout word voorsien en gaste moet hul eie houtskool saambring. Daar is oorgenoeg parkeerplek op die perseel.

Gaste is welkom om in die veld te wandel. Daar is oribies, ribbokke, duikers, aardvarke, bruinhiënas en ystervarke. Die plaas het 'n ryk voëllewe met 28 pare bloukraanvoëls en 12 pare kuifkopkraanvoëls. Daar is 'n dammetjie voor die huis met baars in vir wanneer gaste wil visvang. Daar is 3 opvangdamme en 2 ander damme met baars op die Niekerksfontein-plaas wat sowat 4 km vanaf Oakvlei-plaas is. Die boonste opvangdam het forel, so gaste kan hul eie visstokke saambring. Daar is ook lieflike bergfietsroetes vir diegene wat die bloed 'n bietjie vinniger wil laat pomp en gaste kan die voetslaanroete na die waterval gedurende die reënseisoen aanpak. Die koeie word 2 keer per dag gemelk en gevoer.

Kry ’n Kwotasie