Obiekwa Country House

Selfsorg

Soos Gesien op Instagram
Kapasiteit: 6 persone
Inkloktyd: 14:00 tot 18:00
Uitkloktyd: 10:00
Adres: Pekanstraat 6, Riebeek-Kasteel, 7300, Wes-Kaap
Alle ouderdomme is welkom
Vanaf R2 650 per nag, vir 6 mense

Beskrywing

Obiekwa Country House is in die prentjiemooi en bekoorlike dorpie, Riebeek-Kasteel in die Swartland geleë, naby verskeie wynlandgoedere, uitstekende restaurante, feeste en trou-venues. Die gastehuis is in 'n stil doodloopstraat op die rand van die dorpie geleë en spog met 'n uitsig oor wingerd en op die berge.

Obiekwa Country House bied slaapplek aan 6 gaste in 3 ruim en luukse slaapkamers. Die hoofslaapkamer en derde slaapkamer het elk 'n koningingrootte-bed en die tweede slaapkamer het 'n koninggrootte-bed wat in 2 enkelbeddens omskep kan word. Elke slaapkamer het 'n afstandbeheerwaaier en 'n skakelaar om die ligte dowwer te maak. Die eerste en derde slaapkamer het elk 'n en suite-badkamer met 'n stort. Die tweede slaapkamer se en suite-badkamer het 'n stort en 'n bad. Al die slaapkamers bied toegang tot die oopplan-sitarea en -eetarea waar daar gemakstoele, 'n rusbank, DVD-speler, gratis WiFi, 'n smeulstofie 'n etenstafel met sitplek vir 6 gaste is.

Die kombuis is met 'n elektriese stoof, mikrogolfoond, yskas-vrieskas, breekware en eetgerei toegerus. Die leefarea lei na 'n groot onderdakstoep met braaigeriewe en 'n uitsig oor die fynbos- en vetplant-tuin. Die gastehuis gebruik sonkrag in die geval van beurtkrag.

Obiekwa Country House het ook 'n swembad aan die onderkant van die tuin, naby die wingerd. Parkeerplek is op die perseel beskikbaar. Daar is 'n kroeg net 'n hanetreetjie van die huis af en die dorpsplein is ook stapafstand ver.

Kry ’n Kwotasie