Olive Grove Guest Farm

'n Karoo kuier in SA se "Tuin van Getsemane".

Ek het 'lekke' gebly. Dis 'n unieke en pragtige gasteplaas met lieflike olyfboorde en 'n mooi wandelpad. Die dakwaaier/-lig in die hoofslaapkamer (dubbelbed kamer) van kothuis no. 2, se waaier het nie gewerk nie. Klaarblyklik weens die afwesigheid van die kettinkie wat 'n mens trek om die waaier aan te skakel. Die kettinkie was afwesig/gebreek. Ek vermoed dit is al 'n geruime tyd so. Vir die prys wat 'n mens betaal is dit belangrik om sulke goedjies so gou moontlik te herstel of die dakwaaier te vervang. As die dakwaaier gewerk het was my kuier 10/10. Die gasvrou het aanbeveel ek slaap met die lugversorging aan en vensters toe om die probleem te adresseer. Nie almal hou van slaap met 'n lugversorger aan wat bloot die 'ou' lug in die vertrekke weer uitblaas nie. Ek verkies vars lug met oop vensters. As daar 'n dakwaaier gemonteer is moet hy sekerlik sy doel dien of hoe?

'n Allerlieflikste oornagplekkie.

Ons het heerlik gebly in 'n pragtige omgewing en plaasatmosfeer. Ek het braaipakkies bestel vir die aand asook om saam te neem. Die diens was uitstaande. Daar vergeet Pieter sy nuwe tekkies onder die bed en die gasvrou stuur dit per paxi terug huis toe. Baie dankie!

Fantastic!

Our stay was awesome! The best night's rest we have had in a long time. The bed was super comfortable. The food was great and the host was phenomenal. Will definitely stay here again.

Heerlik!

Baie lekker gebly, jammer vir muskiete en foutiewe waaier. Heerlik.

Heerlik rustige nag.

Dankie vir julle gasvryheid.

Die mense is gasvry en baie vriendelik. Ons het alles geniet.

Ons het heerlik gebly en gekuier. Dis verassend om deur die Karoo se droogheid te ry en op hierdie oase af te kom.

Back to its best.

It was great. Hadn't stayed at the accommodation since early COVID. Happy to see that all is running smoothly as in the past.

Goeie waarde vir geld.

Bly jaarliks by Olive Grove as ek reis vir werk, of as ons Kaap toe gaan. Die huisies bied jou alles wat jy nodig het. Gerieflik en goed ingerig.

100% aan te beveel!

Olive Grove is ideaal om oor te slaap terug huis toe, maar dit is so mooi daar mens kan dit as 'n wegbreek ook geniet. Die kamers is mooi ruim, skoon en goed ingerig. Die kos is ongelooflik lekker, en die personeel is puik. Die eienaars is self op perseel en ons kon nie vir 'n beter plek vra om oor te slaap.

Vriendelike ontvangs, netjiese en skoon verblyf met alles wat jy nodig het.

Baie lekker gebly, heerlik die aand by gasvrou.

Gemaklik.

Heerlik gekuier saam die eienaars. Kos is smaaklik!

Lekker stop oppad Gauteng toe.

In chalet gebly. Heerlike aircon. Alles wat mens nodig het. Kinders swembad geniet. Hulle kook kos was heerlik.

Vriendelike, gasvrye hartsmense wat vriende word.

Om hier te bly is 'n wonderlike ervaring om by gasvrye familie te kuier. Vriendelike hartsmense. Kos was uit die boonste rakke. Sal beslis weer daar oorbly.

Soos bogenoemde.

Vriendelike diens en ontvangs! Heerlike boerekos vir aandete en regte plaasontbyt is aan te beveel! Netjiese en gerieflike eenhede. Voorstel: DStv-pakket moet opgradeer word of liewer geen TV nie.

Rustige plaas atmosfeer.

Die heerlike plaas atmosfeer het ons lekker laat afskakel. Geriewe was mooi skoon en netjies. Ons het aandete bestel en was verras met 'n heerlike bord boerekos en nagereg. Ons sal beslis weer gaan kuier.

Amazing.

We had a lovely two days that we stayed over at Olive Grove Guest Farm. The host and staff were very helpful.

Great location, good food, safe.

Good as always. Well located for a stop from JHB to Struisbaai.

Uit die boeke.

Soos altyd, baie lekker met baie lekker buite aandete.

Pragtige plek, bietjie uit die dorp uit, maar voel soos vakansie!

Baie lekker, laat daar aangekom en hulle het ons welkom laat voel!

Voel tuis.

Gasvry en probeer jou werklik laat tuis voel.

Pleasant overnight stay.

Well received after our late check-in. The owner offered dinner. A good place to overnight and braai. Some distance from town and restaurants, so take that into account.

Rustig in Karoo, waarde vir geld maar weet net wat jy gaan kry.

Mense baie aangenaam, maar alles is basic en baie oud. Geen aircon in kamers.

Veilige, vriendelike en netjiese blyplek.

Baie lekker netjiese oornagplekkie wat ek beslis vir almal sal aanbeveel.

Edelsteen in die Karoo.

Vreeslik lekker geëet. Mooi, skoon kamers. Pragtige omgewing. Waarde vir geld.

Lekker oorgebly en die gasvryheid van die personeel maak dit ekstra aangenaam.

Ek bly al jare oor op Olive Grove (vroeër was dit vir werksdoeleindes). Ongelukkig (en gelukkig) het die plaas van eienaar verwissel en die 2e eienaar (sedert ons daar oorgebly het) het die gaste-plekke en die plaas erg verwaarloos. Dankie vir die gasvryheid, en Olive Grove is weer 'n plek waar ons graag wil oorbly - die gasvryheid maak dit ook ekstra spesiaal. Ons het vooraf aandete bespreek, soos duidelik op die besprekings-app genoem word, maar ongelukkig kry mens mos maar mense wat nie behoorlik kan lees nie en 'aangedring' het op aandete - ons het toe een skaapboud (lamb shank) te min gehad. Die aandetes is uit die boonste rakke en kan beslis aanbeveel word - bespreek asb. net vooraf!

Heerlik n stilte op stoepie gesit en kyk hoe skape onder olyfbome wei terwyl lam.

Heerlik. Rustige atmosfeer. Stilte is ongelooflik. Geen vragmotors of verkeer wat druis. Smaaklike aandete. Die eienaars was so gasvry.

Vriendelik, hulpvaardig en baie rustig.

Dit was 'n vinnige stop, maar ek sou maklik langer kon bly. Die plaas is baie rustig en veilig.

Baie geniet, rustig en aangenaam.

Ons het die rustige omgewing en atmosfeer, die puik diens en heerlike ontbyt baie geniet. Ek kan dit beslis aanbeveel.

We stopped here for a night en route to Nieu Bethesda from Cape Town.

We enjoyed our stay at Olive Grove Guest Farm, but were disappointed that even though they advertised a swimming pool, the pool was not filled up and so we couldn't swim upon arrival. It was a very hot day and I had specifically booked somewhere with a pool for this reason. I feel that they should let people know if the pool is out of order. Other than that, we had a good night's sleep and my child enjoyed their meal. The hosts were very friendly.

Netjiese huisies, lekker oorbly op 'n werkende plaas.

Goeie waarde, beslis die moeite werd om daar oor te bly.

Baie dankie heerlike gekuier, skoon Karoo-lug en gasvryheid. Sal beslis weer kom kuier.

Harlike ontvangs. Skoon en gerieflike geriewe. Heerlike kuier om die braaivleisvure.

Pragtig plek. Karoo-gasvryheid.

Die watertand lekkerste aandete ooit. Hoogs aanbeveel. Die is hartsmense, bly 'n paar aande. Vra vir 'n braaipakkie. Ons baie lekker gekuier, en die roosterkoek oorkant die pad is 'n moet.

Heerlike, rustige plek, goed ingerig.

Goeie akkommodasie vir oornag of selfs naweekwegbreek. Huisies goed ingerig.

Rustigheid.

Hier kan mens regtig rus en net alles geniet.

Great relaxing stay with the best farm style food.

My son and I had a really nice sleepover, dinner, and breakfast on the way to Cape Town. It's the second time I've booked this guest farm and would use it again in the future.

Great overnight stay. Very friendly people and great food.

The owners of Olive Grove is what makes this a special stay. Dinner is fantastic!

Aangenaam.

Warm ete met aankoms, warm bed, warm water en lekker ontbyt met vertrek. Vriendelike ontvangs.

Die 40 km draai uit Beaufort-Wes is nie die moeite werd nie.

Die swembad is jare laas skoongemaak. Boksmelk is nie vars melk nie. Die beskuit wat geadverteer is was nie daar nie. Het 'n koninggrootte-bed verwag soos in my bespreking, maar dis 'n gewone dubbelbed. Dit maak 'n groot verskil as jy 2 m lank is.

Great halfway stop to the Cape. Make sure to book for the diner, lamb at it's best.

Staff are friendly, the rooms are comfortable. Doggy enjoyed the surroundings and the walk to the dam. Totally pet friendly. Seeing and hearing the well-cared-for sheep brings a sense of well-being. Most notable is that the smell of farm animals is not present at all, just good karoo air. The diner is something special, these folks know how to prepare lamb dishes. The quantities are good. There is no menu but whatever they are cooking you can rest assured that it will be excellent.

Great halfway stop to the Cape. Make sure to book for the diner, lamb at it's best.

Staff are friendly, the rooms are comfortable. Doggy enjoyed the surroundings and the walk to the dam. Totally pet friendly. Seeing and hearing the well-cared-for sheep brings a sense of well-being. Most notable is that the smell of farm animals is not present at all, just good karoo air. The diner is something special, these folks know how to prepare lamb dishes. The quantities are good. There is no menu but whatever they are cooking you can rest assured that it will be excellent.

Very friendly and helpful staff and owners, but it felt like they were still charging 4-star rates for 2/3-star accommodation.

Ownership/management changed in Dec 22 and I think they are still finding their feet.

We got there just after seven and the drive to the place was exquisite. However, when we got to the place we felt a little not considered for.

First, we spoke our mother tongue Afrikaans but the owners kept responding in English but spoke Afrikaans amongst each other. We ordered the lamb chops in advance and were told we were going to get it, but disappointingly got bobotie which was not tasty at all. It was dry, the portions were for a 10-year-old and we paid R160 per plate. We were not happy at all. The only thing we enjoyed was the drive into the place and the sunrise, to be honest.

Rustige plaas atmosfeer.

Marietjie baie gehulpsaam met ekstra vriesgeriewe en het 'n heerlike Karoo lam by hulle gekoop.

Gerieflik stil.

Vriendelikste, warm hartsmense. Dit was nou 'n bederf in die stille Karoolug. Dankie tannie en oom vir die lekker bly.

Heerlike oornag. Het voldoen aan al ons verwagtinge, dankie.

Dit was 'n heerlike stop.

A superb stop over!

Thank you for the most excellent stay, we loved your accommodation! (PS: The lamb curry was really great too!).

Kuier gou weer!

Was 'n great aand, en baie plek vir ons hondjies! Ek bly nou net daar op pad af Kaap toe!

Amazing Karoo escape!

Very friendly and helpful hosts, stunning spot, pet friendly, even my fourlegged kids had a great experience!

Baie lekker.

Was baie lekker gewees.

Wat 'n verrassing van 'n oase in die Karoo.

Wat 'n welkome gesit as jy van die teerpad afklim in skielik tussen die Olyfbome begin ry, dan die oase van goen gras en die oulikste huisies en verblyf-eenhede. Stap binne en die Afrikaanse taal ontvang jou hartliks en die gesels hou nie op nie. Uiteindelik kom jy by die wooneeheid - koel, skoon en sommer net lus om op die bed neer teval, maar nee, daar is te veel om te sien, klim teen die koppie uit en kyk die uitsig. Loop tussen die olyfbome en raak aan die olywe wat teen volgende maand in 'n bottel na ons tafels toe kom. Daar val die heerlikste reën teen laatmiddag. Die aandete is heerlik en daar is 'n groot verskeidenheid wyne beskikbaar. Stop gerus indien julle op pad Kaap of George toe is, slaap oor, dit is die moeite werd.

Groot teleurstelling.

Wanneer jy moeg gery is, moet jy nie by The Olive Grove oorbly nie, want 'n mens moet nog hope energie hê om talle kere ontvangs toe te stap. Wat positief is, is dat jy die bestuur maklik by ontvangs opspoor, want hulle sit daar en kuier. By ons aankoms is ons verduidelik dat ons blyplek die derde deur op regterkant is en dat dit oopgesluit is. Ek moes toe terugloop en sê dis gesluit. Hul sê toe ek moet dit net hard oopdruk, dit is nie gesluit nie. Ek stap toe maar weer al die pad om maar net weer terug ontvangs toe te stap en hul te sê dis regtig gesluit. Toe staan een darem hierdie keer op om vir ons die deur oop te sluit. Oor die foon is daar vir ons gesê dat die braaivleisvuur vroegtydig aangesteek gaan wees, want ons kry braaivleis. Ons sien toe vreeslik uit na hierdie gasvryheid. Ons kry toe 'n sak hout, blits wat nie wil werk nie en vleis wat ons moes braai. Nadat ons weer 'n paar keer ontvangs toe moes stap om van die blits te gaan verneem, die grillerige vuil borde vir skones te gaan ruil en 'n braaitang te gaan vra, kon ons dikbek begin braai. Bestuur het telkens jammer gesê en die werkers beskuldig. Dalk moet hul meer hul kuiersessies onderbreek en hul personeel monitor.

It was nice and peaceful.

The room was spacious and well-equipped. Unfortunately, the coffee mugs had a strange smell (made me wonder if the cups were dried with a cleaning rag) and the white sheets/duvet cover had a few marks on it.

Baie aangenaam.

Ek was gereeld gebel en onder andere gevra of ek aandete wil nuttig, of braai, met 'n keuse vir vleis voorsien of eie bring. Met aankoms het my vuurtjie gebrand en staf gewag om my te verwelkom, net voor 8 nm.

Baie rustig en lekker.

Die eienaars is baie vriendelik en verwelkomend.

Olive Grove is 'n pragtige plaas, vriendelike mense en hope potensiaal - die verblyf het egter teleurgestel.

Die Karoo was 40 grade toe ons arriveer. Ons het almal begrip vir "loadshedding", maar toe die krag wel aankom, was die lugreeling oneffektief, ('n baie ou eenheid?) en die hoofslaapkamer het glad nie 'n waaier nie. Die nag was dus maar ongemaklik. Die algemene indruk is een van vergange glorie, en dit was teleurstellend dat daar op 'n olyfplaas geen olywe beskikbaar was nie.

Beautiful.

Was a lovely little place to stop for the evening.

Lekker behalwe twee goed.

Yskas werk nie. Geen TV (dekodeerder blykbaar gesteel). Stortdeur lek water op vloer.

Reis saam met gesin.

Die huisies is vreeslik oulik. Ons was in Chalet 5. Natuur is asemrowend mooi. Die huisies was vol vlieë, lewendig en dood. Die waterdruk in die stort was baie swak, mens hol tussen die druppels rond om nat te word. En daar is geen waaier of lugversorger in die hoofslaapkamers - lugversorger is wel in die kombuis. As die klein goedjies reggemaak word, sal dit 'n wonderlike plek wees.

Ontspanne Karoo-verblyf.

Waarde vir geld Karoo-stilte met als wat jy nodig het.

Skoon.

Vermy nr 14. Inwoners bly agter, maar die res is puik.

Absoluut rustig.

100% aan te beveel!

Baie gasvrye eienares en personeel.

Dit is akkommodasie so reg na 'n mens se hart.

Heerlike Karoo-plaaservaring.

Daar is darem geen sterre-uitsig soos die Karoo in die nag nie. Die plaas is die moeite werd vir 'n heerlike oornag plek. Vriendelik en proffesioneel.

Gemaklike kuier-omgewing.

Van die kamermure kan oorgeverf word. Was 'n lekker ervaring. Vriendelike mense. Lekker kos is bedien.

Voorwaar 'n hidden gem.

Pragtige plaas met uitstekende diens! Ons het die selfsorg-chalet bespreek en het dit baie geniet. Die plaas is soveel meer as net 'n gewone oornagopsie. Mens wil sommer vroeg genoeg daar aankom om lekker tyd te kan spandeer. Daar was buitengewone vloede in die area en die bestuur het ons selfs kom vergesel met hul bakkies om deur die verspoelings te kom. Ons sal definitief terug keer!

Het dadelik tuis gevoel, netjies, gereed en als wat nodig was vir oornag. Baie dankie.

Een woord: fantasties.

Skoon, rustige plaasomgewing.

Loadshedding is al 'n geruime tyd deel van ons lewens. Veilige kersblakers (en nie 'n bakkie met gedrupte was in nie) is 'n moet! Herlaaibare ligte was in huisie 4 en kamer 12, maar dit het nie gewerk nie. Nogal moeilik na 'n lang dag op die pad met 'n baba en jy moet sukkel in die donker!

Baie mooi omgewing, stil en rustig.

Baie mooi omgewing, stil en rustig. Sal definitief weer by Olive Grove oor bly.

Toegangspad so swak ons moes omdraai en ander verblyf vind.

By ons deurgaan deur die toegangshek het 'n voorman op ons gewag en die roete na die ontvangs/slaapplek aangedui deur 'n driffie en deur `n rivier. Die pad was uiters onbegaanbaar, met los klippe en middelman en ons was uiters verbaas hoe hy kon verwag ons deur 'n breë, sterkvloeiende rivier moes ry en het omgedraai terug na die hek. Die keer is sy storie anders, ons het verkeerd gery en moes bo-om gaan, weer deur die driffie, maar dan regs in plaas van links en die keer bevind ons ons op 'n klipplaat met ongelooflike skerp klippe. Ek het die kantoor gekontak en gemeld dat indien hierdie die enigste pad is, ons met 2 sedans nie by hulle kon uitkom nie en ons elders veblyf sou moes soek. Die voorman het met 2 4x4-bakkies verbygekom en selfs hulle het met groot gesukkel beweeg. Ek het die oggend vroeg ook met die dame (Neska) gepraat oor aandetes en sy het niks van erge reën of slegte pad gemeld nie. Ek het vir haar genoem dat ons die reeds betaalde geld vir die nag gaan terugvra, omdat hulle voornemende gaste behoort te waarsku dat die pad baie sleg is, waarna sy gemeld het dat ons weer moes probeer het. Toe ek noem dat my kar nie trappe kan klim nie, het sy die foon in my oor neergesit. Die voorman het gemeld van groot reën wat hulle gehad het, maar hierdie pad vermoed ons was reeds chronies in 'n slegte toestand. Die hele situasie het ons stomgeslaan gelaat. Die son was aan sak en ons sonder slaapplek of kos vir die nag. Waarom nie aanbied dat ons ons voertuie daar in die veld laat en ons met `n 4x4 tot by ons slaapplek aanry nie? Ons is toe terug na Beaufort-Wes en het ander slaapplek gevind.

Gasvry.

Ons het baie lekker gebly. Baie dankie.

Baie gesellig, maar die kos kan verbeter.

Ons aandete was duidelik vooraf gemaak en bevrore. Alhoewel geurig, was dit nie behoorlik verhit nie en is dus koud aan ons voorgesit. Uit hoflikheid het ek dit nie onder die aandag van bestuur gebring nie.

Lovely place to stay.

Enjoyed the stay, and everyone made a big fuss of our dog Toto.

Tranquil environment.

We enjoyed our overnight stay, the mattresses could have been more comfortable and a few niggles. A little neglected but do understand its part of taking over a new venture and getting settled. Will try it again.

Rustig.

Jammer dat daar geen aandete was nie. Beurtkrag het die skuld gekry.

Baie lekker.

Stil en netjies, vriendelike diens!

Lieflike verblyf op plaas, ideaal vir kinders.

Ons het net oornag, maar dit is 'n pragtige plaas met die mooiste olyfboorde en ek sou graag langer wou bly. Kinders kan met vryheid op die plaas speel, daar is ook 'n swembad. Groen gras, goed versorg. Ons het ontbyt geëet, dit was baie billik (R75 'n grootmens, R35 'n kind).

Pateties.

Ek sal niemand aanbeveel om daar te slaap nie. Chalets is afgerem aan die binnekant. Die bed in die kamer is deurgeslaap. Die aandete wat hulle aan my verskaf het vir R100 was pateties en smaakloos. Dit het bestaan uit 'n poedingbakkie lasagne en poedingbakkie Griekse slaai. Toe ek kla, toe lag die ontvangsdame vir my. Ek hoor hoe sê sy oor die foon hier is een gas, maar hy kla vir nonsens. Hulle kan meer vra en 'n beter aandete verskaf omdat hulle so ver uit die dorp is. Laasjaar het ek by 'n ander plek geslaap en die kamers en aandete was uit die boonste rakke. Olive Grove sien my nie weer nie!

Baie geniet met vriendelike ontvangs.

Kamers was baie netjies en aandete was baie aangenaam! Heerlik stil op die plaas!

Perfek vir wat ons nodig gehad het vir ons familiekuier!

Ons het die plaas so geniet! Nesca was so behulpsaam en gasvry! Ons kinders het die pragtige grasperke en spasie geniet om fiets te ry. Die swembadarea is ook baie goed uitgelê. Beste herinneringe vir ons familie! Kan regtig Olive Grove aanbeveel.

Baie lekker rustige atmosfeer.

Oulike huisies. Baie netjies,.

Asemrowend.

Rustig, vriendelik en asemrowend.

Karoo-rustigheid en vriendelike ontvangs.

Rustige atmosfeer, vriendelike ontvangs netjiese kamer genoeg plek om fiets te ry of te stap. Heerlike Olyf-chutney en ander produkte. Heerlike aandete, dink net dit werk te duur uit. Maar die vriendelike diens maak daarvoor op. Dankie.

A convenient, pleasant stay.

We enjoyed our stay - convenient, comfortable.

Wat 'n ongelooflike mooi en rustige plek.

Ons het heerlik gekuier en geslaap. Die plek is baie netjies en versorg. Kamers is ruim en modern. Jammer dat die maaltye effens duur uitwerk.

Ruskans na lang dag in die kar.

Hope plek vir kleintjies om hulle bene te rek en bietjie energie te verbrand. Die huisies is goed ingerig en netjies. Ons sal weer gaan.

Disappointed.

Our bedding in our unit was not changed or cleaned. Smelled like sweat and one of the duvets had blood on it. The toilet in unit 6 is broken and kept running all night.