Oyster Catcher

Selfsorg

Kapasiteit: 8 persone
Inkloktyd: 14:00 tot 19:00
Uitkloktyd: 10:00
Adres: St. Francis-weg 35, Kaap St. Francis, Kaap St Francis, 6312, Oos-Kaap
Alle ouderdomme is welkom
Vanaf R1 200 per nag, vir 2 mense

Beskrywing

Oyster Catcher is 'n ruim en gerieflike vakansiehuis naby die see met 'n pragtige uitsig in Kaap St. Francis, aan die Oos-Kaap se kus, 105 km wes van Gqeberha (Port Elizabeth).

Dié eenheid bied 4 ruim slaapkamers en ruim vertrekke met pragtige uitsigte van wes tot oos oor die Indiese Oseaan. Daar is slaapplek vir 8 gaste. Twee van die slaapkamers het 'n dubbelbed en die ander 2 kamers het elkeen 2 enkelbeddens. Die 4 slaapkamers deel 2 moderne badkamers, een met ’n stort, wasbak, bad en toilet en die ander met 'n stort, wasbak en toilet.

Daar is 'n ruim kombuis wat toegerus is vir selfsorg, asook 'n ruim oopplan-leefarea met 'n TV wat na ’n balkon met ’n braai lei. Daar is 'n waskamer met 'n wasmasjien en 'n tuimeldroër. Troeteldiere word slegs toegelaat indien vooraf reĕlings getref is, teen ekstra koste.

Kaap St. Francis is ’n bekende en gesogte bestemming vir toeriste en dien as ’n ideale basis vanwaar gaste die ongelooflike mooi Oos-Kaapse kus en Suidkus kan verken.

Die pragtige witsand-strand, asemrowende rotskus en die Kromrivier is baie gewild onder besoekers aan Kaap St. Francis.

Kaap St. Francis is wêreldbekend vir sy uitsonderlike branders wat branderplankryers van regoor die wêreld lok.

Doendinge en besienswaardighede in die omgewing sluit in 'n aanloopbaan vir vliegtuie, staproetes in en om die reservate, eiendelose staproetes langs die kus, die vuurtoring wat al ’n bekende landmerk is sedert 1878, hengel vanaf rotse en strand, snorkel en spieshengel, diepsee-hengel, vlieërbranderry, kanovaart, kajakvaart, swem, tennis, valskermspring, en skemerkelkies op die rotse. Gaste kan ook winkels en restaurante in die dorp besoek, riviervaarte met skemerkelkies op die Kromrivier onderneem, wildreservate in die omgewing besoek, en op daguitstappies na die Addo Olifantpark, Baviaanskloof Provinsiale Park en nog vele meer gaan.

Kry ’n Kwotasie