Oystercatcher Villa

Selfsorg

Soos Gesien op Facebook
Kapasiteit: 8 mense
Inkloktyd: 14:00 tot 18:00
Uitkloktyd: 10:00
Adres: Eerste Laan 52, Shelley Point, Stompneusbaai, 7395, Wes-Kaap
Geen kinders onder 4
Vanaf R3 960 per nag (plek vir 8)

Beskrywing

Oystercatcher Villa bied selfsorgverblyf op die veilige Shelley Point-gholflandgoed in St. Helenabaai. Hierdie eksklusiewe vakansievilla spog met skilderagtige see-uitsigte en bied gaste toegang tot verskeie geriewe op die landgoed.

Die dubbelverdieping-villa is geskik vir 8 gaste en beskik oor 4 en suite-slaapkamers wat elkeen 'n privaat balkon of terras en 'n see-uitsig het. Elke slaapkamer het 'n koninggrootte-bed en 'n en suite-badkamer met 'n stort, 'n bad of albei. Elke kamer het ook 'n yskassie, 'n kluis en 'n haardroër.

Die kombuis is in die leefarea op die onderste verdieping en is met al die nodige geriewe om maaltye te kook toegerus. Dit sluit 'n koffiemasjien, eetgerei en breekware in. Die oopplan-leefarea lei na 'n onderdakterras met braaigeriewe, 'n plonspoel en sonstoele wat 'n uitsig oor die see het. Ander geriewe in die villa sluit gratis WiFi en veilige parkeerplek in.

Die landgoed spog verder met 'n gholfbaan en 'n restaurant wat gaste tydens hul verblyf kan geniet. Paternoster is ook net ongeveer 18 km ver en het verskeie bekende restaurante wat gaste kan besoek.

Kry ’n Kwotasie