Palms on Protea

Beskrywing

Palms on Protea is 'n moderne woonstel vir 6 in Struisbaai en dis net 650 m van die strand af.

Die ruim woonstel is op die eerste verdieping en bied slaapplek aan 6 persone. Dit beskik oor 2 slaapkamers, 'n badkamer, kombuis en 'n leefarea.

Die hoofslaapkamer het 'n koningingrootte-bed en lei na die balkon. Die tweede slaapkamer het 2 enkelbeddens wat op versoek in 'n koningingrootte-bed omskep kan word en daar is 'n dubbelslaapbank in die leefarea. Die kamers deel 'n badkamer wat 'n hoekbad, stort, wasbak en 'n toilet het.

Die oopplan-kombuis is met 'n gasstoof, elektriese oond, mikrogolfoond, yskas tee- en koffie stasie toegerus. Daar is ook 'n werksoppervlak, 'n Skottelgoedwasser, wasmasjien, tuimeldroër en 'n ysmasjien. Die kombuis-eiland het 'n uittrek elektriese prop indien gaste daar wil sit en werk.

Gaste kan in die sitkamer met 'n knus sitarea, 'n TV met DStv en 'n binnebraai ontspan. Gaste moet asb. hul eie hout saambring. Die woonstel maak van sonkrag gebruik.

Die leefarea lei na 'n balkon met 'n gedeeltelike see-uitsig. Daar is geriewe om vis skoon te maak buite onder die woonstel se trap, sowel as parkeerplek vir 'n boot. Parkeerplek vir 2 voertuie is beskikbaar.

5 GB gratis data word verskaf, daarna is gaste welkom om meer data te koop.

Die instansie het 'n Nova Sport Fisher boot wat beskikbaar is as 'n hengelboot of vir plesierritte as die weer dit toelaat. Happies vir op die boot is ook beskikbaar op versoek. Die kostes sal bepaal word volgens behoeftes tydens bespreking. Strandhengel-uitstappies kan ook gereël word vir dié wat nie graag see toe gaan nie en nie visstokke ens. saamgebring nie.

Struisbaai bied verskeie doendinge, soos swem, visvang, kajakvaar, branderplankry, vlieërplankry, walviskyk tussen Julie en Augustus en voetslaanroetes in die omgewing. Gaste kan ook 4 km tot by L'Agulhas ry om die Quoin Point-vuurtoring en die Cape Agulhas Lighthouse Museum te besoek en 'n foto neem by die Suidelikste Punt van Afrika waar 'n landskaart volgens skaal in 3D uitgebeeld is.