Paul Kruger 63

Selfsorg

Kapasiteit: 33 mense
Inkloktyd: 14:00 tot 19:00
Uitkloktyd: 10:00
Adres: Paul Kruger 63, Robertson, 6705, Wes-Kaap
Alle ouderdomme is welkom
Vanaf R900 per nag, vir 2 mense

Beskrywing

Paul Kruger 63 bied verblyf in 3 selfsorgkothuise en kleiner eenhede met beperkte geriewe in die historiese deel van Robertson. Dit is stapafstand van die middedorp met sy restaurante, winkels en dienste af.

Daar is 3 selfsorgkothuise wat elkeen 5 gaste kan akkommodeer. Elke kothuis het 2 slaapkamers, 'n sitkamer met 'n divan, 'n kombuis, badkamer en 'n privaat agtertuin met 'n braai. Veilige, afstandbeheerde parkeerplek is beskikbaar. Die individuele kothuise is gemerk as Nr. 63, Nr. 61 en Nr. 59. op die voor- en die agterdeure.

Die nuutste toevoegings is 3 kompakte eenhede met slaapplek vir 1 tot 2 gaste. Elke eenheid is toegerus met 'n TV (SABC 1, 2, 3 en eTV), yskassie, mikrogolf, eetgerei en breekware. Elkeen het ook sy eie badkamer met 'n stort, beskutte stoep met ingeboude braai en braaitoerusting. Kompak, gerieflik en ideaal vir reisigers wat wil oornag of vir besoekende sakelui.

Villa Kruger is 'n opgeknapte huis uit die 1890's wat 2 luukse suites en 2 slaapsaalkamers het. Die suites het elk 'n baaivenster en 'n hoekbad met 'n stortkop. Elke kamer het 'n yskas, 'n mikrogolf, eetgerei en breekware. Die 2 slaapsaalkamers het elk slaapplek vir 3.

Villa Kramer is ook 'n Victoriaanse huis wat opgeknap is. Die voorste 2 kamers is spieëlbeelde van mekaar en het 'n stort en toilet en suite. Elke kamer het 'n DVD-speler, yskassie, mikrogolf, 'n ketel, breekware en eetgerei. Die derde kamer het 'n hoekbad met 'n stortkop. Daar is ook 'n klein stoepie wat van die kamer af bereik word. Kramer Flat is 'n lekker stil eenslaapkamerwoonstel met 'n volledige badkamer.

Kry ’n Kwotasie