Protea Huis

Voeg by Gunstelinge

 

Beskrywing

Protea Huis bied gerieflike, moderne verblyf in Theresapark in die noorde van Pretoria en is deel van African Nights Guesthouse. Let wel daar is geen TV's in die slaapkamers nie, net een in die TV-kamer langs die kamers in die huis. Geen DStv maar wel OpenView HD-kanale. Geen Wi-Fi. Balkon op die eerste vloer vir algemene gebruik. Al die kamers het koffie- en teemaakgeriewe. Elke kamer beskik oor 1 dubbelbed.

Gaste kan kies tussen Angelier en-suite hoofslaapkamer met 'n bad en oorhoofse stort, of Protea-kamer en Eagle-kamer wat 'n badkamer deel (bad en stort), of die Bluecrane buitekamer met privaat badkamer met 'n bad.

Die Angelierhoofslaapkamer op die eerste verdieping beskik oor lugversorging en ’n klein balkon. Die en suite-badkamer is nog nie gemoderniseer soos die ander badkamers nie, maar dit beskik oor 'n stort-oor-bad, wasbak en toilet. Die kamer het 1 dubbelbed en tee- en koffiemaakgeriewe.

Die Bluecrane-, Protea- en Eagle-kamers beskik nie oor lugversorging nie, maar wel oor draagbare waaiers.
Die Protea- en Eagle kamers kan ook saam bespreek word wat ideaal is vir 'n gesin van 4. Die kamers deel 'n gemeenskaplike badkamer met 'n bad en 'n stort. 'n Veiligheidsdeur skei die twee kamers en badkamer van die res van die huis.

Die Bluecrane-kamer is buite die huis en het sy eie privaat badkamer, beskik nie oor lugversorging nie, maar wel oor 'n draagbare waaier. Daar is tee- en koffiemaakgeriewe.

Verder is daar nog 'n badkamer met 'n stort op die grondverdieping van die huis wat gaste kan gebruik op versoek.

Etes is op vroegtydige versoek beskikbaar en die kamers word daagliks skoongemaak behalwe op Sondae en openbare vakansiedae.

Langs Protea Kamer is daar 'n TV-kamer met 'n TV. Hierdie TV-kamer bied ook toegang tot 'n algemene balkon. 'n Swembad en parkeerplek is ook beskikbaar. Dis nie geskik vir kinders nie, a.g.v. die oop swembad, oop balkonne en oop trappe.

Protea Huis is net 9 km vanaf die Onderstepoort Veeartseny-instituut, 12 km vanaf die Nasionale Dieretuin, die Uniegeboue en Loftus Versfeld-stadion, en 18 km vanaf Medunsa.

Kenmerke

  •  Afrikaans
  •  Swembad

Aktiwiteite Naby

  •  Visvang
  •  Groot 5
  •  Voëlkyk
  •  Swem

Aktiwiteite op perseel

  •  Swem

Betaalopsies op Perseel

  •  Kontant
  •  Elektroniese Fondsoorplasing

Geriewe

  •  Swembad
  •  Gastesitkamer
  •  Kombuisgeriewe
  •  Geen Rook Binnenshuis

Hier praat ons

  •  Afrikaans
  •  Engels

Maaltye Aangebied

  •  Etes Op Versoek

Kaart Meer oor die omgewing 

Gaste wat na Protea Huis gekyk het, het ook belangstelling getoon in die volgende lekke plekke:

Vanaf R350 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za