Rietrylaagte Accommodation and 4x4

Stylvol en netjies. Baie mooi plaashuisie.

Bevat nie net alles wat mens benodig nie, maar is ook mooi en stylvol opgemaak om mens spesiaal te laat voel, 'n stukkie luxury op die pad was 'n welkom verrassing.

Baie aangenaam, sal aanbeveel aan familie en vriende. Verblyf was netjies en toeganklik.

Ons het die vars lug en stilte baie geniet. Grondpad is bietjie sleg op plekke as jy met 'n gewone tweetrekvoertuig reis, maar as jy stadig ry is dit heel veilig. Ons het die mooi uitsig geniet, asook die kyk van voëls en saans die sterre. Daar was 'n probleem met ons yskas, maar Wendy het dit gou uitgesorteer en was baie gasvry en vriendelik.

Relaxing.

Peace and quiet. Relaxing.

Heerlik en ontspannend.

Het die rustigheid en stilheid van die omgewing geniet. Die aande was heerlik. Die gasvrou was baie hulpvaardig.

Skoon, netjies en rustig.

Patrys-eenheid was netjies en skoon. Dis het alles wat jy nodig het teen 'n bekostigbare prys. As jy wil ontsnap van die stad se gejaag, is dit net die regte plek. Vir die wat hou van stap en mooi rotsformasies, dan vertel die rotse teen die koppie oeroue stories.

Ons het 'n heerlike aand daar deurgebring. Ek het veral die stilte geniet.

Die plek is netjies en gerieflik. Ek vind dit wel vreemd dat ons alles self moes opruim, en 'n fooi vir skoonmaak moes betaal. Daardie fooi kan eerder by die verblyf ingesluit word. Die gasvrou is baie vriendelik en dit was werklik lekker.

Pragtige omgewing, naby hoofpad.

Netjiese en skoon verblyf met als wat jy nodig het. Sal beslis weer wil kom maar langer wil kuier om die omgewing te kan geniet.

Gemaklike verblyf, goed ingerig.

Ons het Rierylaagte as 'n basis gebruik om die Maskam omgewing to verken tydens die blomme tyd. Die hanslammers wat op die stoep kom kuier het het die kinders se dag gemaak! Die huisie het alles wat jy nodig om gemaklik te kuier.

Mooi plaas-omgewing.

Ontvangs was bietjie deurmekaar. Die wind is nogal aanhoudend, maar dis daardie wêreld se ding. Vind die afsonderlike skoonmaakfooi vreemd al was ons vooraf daarvan vertel. Kan bietjie vrygewig met hout ook wees, veral in die winter. Baie behulpsaam met advies oor besoeke.

Mooi ligging, maar kommunikasie kan verbeter.

Ons het baie lekker gebly, maar kommunikasie vanaf Rietrylaagte was nie baie doeltreffend nie. Die huis was byvoorbeld met aankoms gesluit. Andersins het ons baie lekker oornag.

Verfrissend.

Veilige en rustige plek. Sal enige een aanbeveel om daar te bly. Gaan beslis terug.

Dit is waarde vir geld. Akkommodasie is baie gerieflik en bejaarde-vriendelik, my ma 88 en kon gemaklik rondbeweeg.

Ek wil net graag 'n voorstel maak dat die roeteaanduidings 'n bietjie beter aangedui word vanaf die N7. Geen melding word gemaak of jy op die regte pad is nie. Alles was verder uit die boonste rakke sal die plekkie weer besoek. Daar kan dalk ook net aangedui word waar mense blomme kan sien soos op die foto's wat verskaf word.

Verblyf tydens blommekyk-besoek.

Netjiese en goed ingerigte verblyf, met 'n mooi uitsig. Net jammer dat ons gesukkel het om die gasvrou in die hande te kry toe 'n waterkrisis ontstaan het. Al die dokumentasie dui aan dat hulle nie op die plaas bly nie. Daar is nie selfoonsein nie, en nadat ons kilometers ver gery het om haar te bel, bly hulle toe maar sowat 30 m van ons verblyf af.

Skoon, netjies, rustigheid.

Baie mooi en netjiese verblyf, sal dit definitief kan aanbeveel.

Gerieflik en netjies.

Gerieflike verblyf. Netjies en skoon.

Heerlike plaasatmosfeer.

Wendy het ons vriendelik verwelkom en vertel waar ons moet loop en ry op die plaas om die pragtige blomme te bekyk. Wat ‘n fees! Die huisie was skoon, netjies en baie gerieflik. Dit was ysig koud, veral vir ons wat uit ‘n warm wêreld kom (Hoedspruit), so ons het vining ‘n heerlike kaggelvuur aan die gang gekry. Die stilte en mooi uitsig was ‘n genot. Ons hoop om Rietry weer te besoek iewers in die toekoms.

Vrede en blomparadys.

Net sulke mooi blomme op die plaas gesien as in die Biedouwvallei. Heerlik gestap, fietsgery en rondgery op die uitgestrekte plaas.

Thoroughly enjoyed our short stay, very welcoming host, everything supplied.

Loved the indoor fire, cosy and warm cottage, lovely being on a farm again. Wendy went out of her way to make sure all was in order. Thanks very much.

Gerieflike en veilige verblyf.

Ons kan Rietrylaagte regtig aanbeveel. Ons het in Patrys gebly en dit is skoon, netjies en het alles wat jy benodig. Dit is veilig en die kinders kon vrylik rondstap. Ons was bevoorreg om welkome reën hier te beleef en die binnebraai het ons lekker warm gehou! Die eenheid is gemaklik en stylvol toegerus. Lieflike uitsig van die stoep. Werklik goed vir die siel.

Aangenaam verras.

Ons het in die kothuis gebly in Aug 2020. Ons verwagtinge was oortref met die huisie. Dit was baie mooi binne, en baie gesellig. Daar is ook 'n asemrowende uitsig. En dis goed afgesonder.

Goed ingerigte akkommodasie met ’n pragtige uitsig oor die laagte en heuwels.

Alles in die kothuis was aanwesig om die verblyf lekker te maak. Die binnebraai het heerlik gewerk.

A little piece of heaven.

Though we only stayed overnight, we enjoyed the peace and quietness. It was everything and more we expected.

Baie rustige plekkie ver van die teerpad.

Die plekkie is weg van die teerpad wat dit baie stil maak, en as jy wil sterre sien is dit beslis die plek vir jou!

Hemels

Dit het gevoel of ons is in 'n droom is, so mooi is die uitsig op die stoep. As jy gewonder het, die grondpad is geskik vir 'n normale voertuig. Moenie Google se directions volg nie anders eindig jy op die 4×4 roete. Perfekte wegbreekplek.

Rustig

Lekker rustig met mooi uitsig. Regte plek om af te skakel en te rus.

It was very peaceful and relaxing

I will definitely go there again with my family. It was good for the soul to be on the farm.

Netjiese, goedtoegeruste verblyf, pragtige natuurskoon, vars lug en plaas rustigheid - wat meer het 'n mens nodig.

Huisie is volledig toegerus en baie netjies. Vriendelike en gasvrye ontvangs. Pragtige natuurskoon en uitsig. Veilige omgewing en plaas rustigheid. Voorwaar 'n lafenis vir die siel!

Die mooiste omgewing, geen ander mense. Rus.

Heerlik gestap, voels gesien. Lekker om kombuistafel kaart gespeel. Op stoep gesit en oor landerye gestaar, genoeg hout om sommer net vuur te maaak.

Great experience.

Great plek en akkommodasie.

Ek en my vrou het my ouers gevat om blomme te gaan kyk.

Rietrylaagte is uitstekende waarde vir geld. Ons gaan definitief weer daar oorbly.

Heerlike stapgeleenthede en pragtige stukke veld. Huisie is baie gerieflik met alles wat nodig is.

Ek is nie seker dat die 4x4-roete meer gebruik word nie, behalwe deur baie hardebaarde.

Baie mooi en goed ingerig.

Vat net jou kos, klere en tandeborsel saam!

Gasvry en kos vir jou siel.

Ons het Rietrylaagte as oorslaap gebruik vir ons blommekyknaweek, en het baie meer gekry as waarvoor ons gehoop het. Die plek het als wat jy nodig het, netjies en baie gerieflik. Ons was baie spyt ons het net een aand geboek en gaan definitief weer boek en dan ook langer. Dit is heerlik om met jou koffie en beskuit die oggende op die stoep te sit en na die rustige omgewing voor jou te kyk. Dankie, Wendy, dat julle dit met ons deel en vir julle gasvryheid.

Uitstekende waarde vir geld.

Karaktervol, gesellig en gerieflik, alles wat jy nodig het, hulpvaardige gasvrou, warm bed. Kan dit aanbeveel.

Vreedsaam.

Sal beslis weer daar gaan bly. Sorteer net die geiser uit asb, ons het daarmee gesukkel.

Baie netjies en rustig.

Wasgeriewe ontbreek as verblyf langer as 'n naweek is.

Lekker.

Dit was baie lekker en skoon.

Fantastiese wegkomkans vir die gesin.

Wat 'n fantastiese naweek. Asemrowende plek en naby aan Trawal/Klawer. Asemrowende sterre en rus. Stil, veilig en baie netjiese huis. Ek sal dit enige tyd aanbeveel.

Dit is plaas, oop vlaktes om te verken, skoon lug en sterre!

As jy hou van rondstap, sommer net, gaan boek in by Patryshuis. As jy hou van veld en son, dan is jy by die regte plek. Dis die ideale plek vir my om weer grond te vat met die natuur.

Heerlik en rustig!

Pragtig en rustig. Stort wou glad nie saamwerk nie ─ óf vuurwarm óf yskoud.

Onvergeetlik rustig, netjies.

Wat 'n pragtige plek. Skoon netjies en gerieflik. Als wat jy nodig het is beskikbaar. Gasvrou het ons verwelkom. Nuwe beddegoed, skoon badkamer en pragtig.

Kalm.

Rietrylaagte is een van daai bestemmings waarna jy wil gaan as jy weg van die alledaagse gebuzz van die wêreld wil wees en bietjie detox van tegnologie. Dis net 'n hele lang ent om in te ry na die plaas en dis goed as jy 'n voertuig het wat hoog is of betreklik goed sand en klip roetes kan aandurf. Die Landscape is absoluut beeldskoon! 'n fotograaf se droom. Die staproetes is asemrowend en die wilde diertjies bly maar 'n wow factor. Insekte is 'n ander storie, lol, dit is die bos - so neem maar insekweerder en sitroen kerse vir buite. Dis 'n perfekte bestemming vir die omgewing entoesias. Selfoonopvangs is letterlik nul by die huis en sal jy 'n paar km moet loop vir opvangs. Detox van tegnologie. Maak jou oproepe en status updates by die hek klaar en geniet die res van die kuier! Ek en my familie het dit vreeslik challenging gevind, maar tog baie geniet. Dankie Wendy (gasvrou) vir 'n baie welkome ontvangs, kommunikasie en snelle hulp as ons enigiets nodig gehad het.

Huisvesting was uitstekend. Uitsig vanaf stoep was baie goed. Baie rustige omgewing. Aanwysings was duidelik.

As jy na 'n plek soek waar jy net rustigheid kan ervaar, is dit die plek. Die akkommodasie met bybehore en slaapplek was vyfster gehalte. Gekombineer met die kalmte van die omgewing is dit 'n ideale plek om weer jou energie op te bou. Aanbevelings: Ek sou graag meer inligting oor die 4x4-roetes wou gesien het. Ons het gaan ry, maar nie geweet of ons oortree of nie.

'n Juweel in die middel van nêrens.

As ek weer in daardie area is, bly ek net by 1 plek, Rietlaagte.

Dit was eenvoudig 'n belewenis.

Plek se ooptes was verskriklik kalmerend op jou gemoed. Stilte en wind se gesuis in bome was soos 'n lafenis vir my dorre siel wat net gewoond is aan die gejaagdheid van elke dag. Jy voel soos 'n nuwe mens wat weer die lewe vierkantig in die oë kan kyk.

Ongelooflik!

Rustig, ongelooflik skoon en netjies. Sal dit graag weer wil besoek in die blomseisoen.

Best farm house ever!

We were pleasantly surprised when we stepped into our accommodation at Rietrylaagte. Wow! Wow! Wow! Even though I saw the pics before we arrived, it could not prepare me for the absolute comfort and overwhelming beauty of this little farm house! Breathtaking! A piece of heaven in Klawer! Well worth the journey from Cape Town! We were quite adventurous, visited the amazing Nama Bike Club off the R363 for a touch of Mozambique in the middle of nowhere, also drove out to Strandfontein and had the best calamari at the Kommetjie Restaurant and a swim at the tidal pool there! Explored Klawer and all the small dorpies! Best part was coming home to a peaceful Rietrylaagte after all the exploring! It got a bit windy in the evenings, the indoor braai was perfect! The place has everything you could possibly need!

Ek en my vrou en ons dogter, haar man en hulle twee kinders het op Rietrylaagte oornag op pad van Windhoek na George.

My dogter en haar gesin het nog 'n tweede dag oorgebly. Ons het die gul ontvangs, die netjiese akkommodasie en die stilte en ruimte terdeë geniet. 'n Heerlike oornag-akkommodasie teen 'n besonder billike prys, selfs vir twee mense is dit waarde vir geld.

Heerlik rustig weg van die stad se gewoel.

Wendy is sekerlik die vriendelikste en aangenaamste gasvrou wat ek in jare ontmoet het. Patrys, die huis waarin ons 4 nagte geslaap het, is baie netjies en goed toegerus. Daar is vanaf tandestokkies tot insekdoder! Al wat mens moet saamneem is klere en kos. Ons het gedink ons sal die twee sakke hout wat te koop aangebied word opgebruik maar het beswaarlik een gebruik want dit is omtrent 'n hele boom wat in die sak was. Die binnebraai is wonderlik. Huis ruik nie eens na rook nadat jy gebraai het nie want daardie skoorsteen kan trek! Het dit geniet om op die stoep te sit en te kyk hoe hard daar op die plaas gewerk word. Die pragtig bewerkte lande is 'n fees vir die oog! Besef weereens boerdery is nie vir sussies nie! Gaan beslis weer daar my batterye daar herlaai. Voorspoed met jul Patrys en plaas.

Ontspan, verken, geniet!

Dankie, Wendy! Dit was so lekker om deur die week op 'n werkende plaas te kon ontspan. Om te sien hoe trekkers werk en lande bewerk word, het groot bygedra tot die ervaring vir my dogtertjies. Dit was ook lekker om hulle te los om te gaan verken op hul eie. Onthou om toe skoene in te pak! Die Patrys huisie is netjies, skoon en gerieflik! Die uitsig is pragtig! Dankie dat julle jul plaas deel, was so mooi met al die veld blommetjies.

Dit was ongelooflik lekker!

Ons het baie lekker gebly. Die huisie is baie gerieflik, het alles gebied wat ons nodig gehad het. Die rustigheid was ongelooflik lekker! Ons sal beslis weer gaan.

Moenie my op my baadjie takseer nie, ek gaan jou verras.

As jy aangery kom, dan wonder jy oor díe huisie in die middel van amper nêrens, maar wat 'n pragtige akkommodasie. Dit is al 'n paar jaar aan die gang, maar als lyk splinternuut en vars. Dit is op 'n werkende plaas, so daar is 'n moets-en-moenie-lysie wat als uiteensit. Definitief 'n aanwins vir die omgewing.

Wonderlik, rustig!

Wonderlike tyd gehad! Wendy het soveel moeite gedoen om ons te verwelkom. Pragtige blomme op die plaas gesien.

Rus en vrede.

Wat 'n wonderlike plek! Pragtige uitsig en ons was bederf met die allermooiste reënboog die oggend van ons vertrek. Die eenheid het alles wat mens nodig het, sal beslis terugkom.

Ons het heerlik gekuier.

Dit is 'n pragtige huisie in 'n baie mooi omgewing. Alles in die huisie is netjies, skoon en gerieflik. Dit is op 'n pragtige plaas geleë en dit sou baie lekker gewees het om meer inligting oor die plaas te hê, soos hoe groot die plaas is, waarmee geboer word ens. In die brosjure in die huis word ons versoek om nie om die huis te mors met stompies ens. so dit is redelik terleurstellend om te sien dat die plaas self oral bemors is met plastiek, stukkende pype, asbes en selfs leë gifhouers. Daar is pragtige plekke om heen te stap, so 'n besonderse plek vir die natuurliefhebber.

'n Moet “hier bly” vir elke mens met plaas in sy hart.

Baie netjiese selfsorghuis. Wat 'n wonderlike wegbreeknaweek vir stadsjapies. Die huis is pragtig en baie netjies, die sjokolade was 'n groot bederf as jy instap in die kamer. Die uitsig vanaf die stoep is alles waaroor jy droom as jy in die stad bly. Ons het heerlik gebraai in die binnebraai (so bietjie gerook tot die vuur lekker vlam gevat het) en klets oor die dag se 4x4-pret, en die pragtige blomme. Daar is verskeie bordjies wat die 4x4-roete aandui. Ons het nie een oomblik onveilig gevoel nie. Hierdie stukkie paradys roep ons naam. Ons gaan beslis gou weer hier kom bly en sal dit beslis aanbeveel vir enige iemand wat weg wil kom van die hedendaagse tegnologie. Hier kom jy terug plaas toe. Lekker!

Fantastiese akkommodasie indien veiligheid verbeter word.

Pragtige, rustige plaasomgewing met mooi uitsig. 4x4-roetes nie duidelik op plaaspad aangedui nie, slegs satelietfoto's in huis beskikbaar. Daar was egter geen selfoon-opvangs nie, die skuifdeurraam sit los in die kosyn en geen veiligheidshekke of diefwering voor skuifdeur/vensters nie. Koue wintersaand se gebruik van kaggel/binne-braai is 'n frustrasie, want indien kombuisvenster en skuifdeur nie wyd oop nie, het die rook die hele huisie gevul. Daar was ook geen bottel met vars water soos aangedui op kommunikasie nie. Slegs brakwater in krane beskikbaar. Die eienaars bly blykbaar elders en kon nie maklik bereik word tydens verblyf nie (geen selfoon-opvangs by huisie). Indien veiligheid, kaggelprobleem en persoonlike kontak verbeter word, kan ons met vrymoedigheid hierdie verblyf aanbeveel.

Baie rustig. Huis is baie mooi, skoon en netjies uitgerig.

Waarde vir geld. Huis is mooi versorgd en skoon. Rustige wegbreek van die gejaagde lewe. Sal lekker wees om 'n grasperk om die huis te hê.

Was baie lekker en mooi.

Baie mooi en rustig, baie dankie.

Asemrowend.

Dit is 'n baie mooi, skoon, netjiese, rustige plek! Ons het te baie geniet en sal enige tyd weer terug gaan en sal definitief vir al ons vriende en familie vertel van plek!

Heerlik gebly ten spyte van 'n yskoue wind want ons het gekies om buite onder die sterre te braai.

Die huisie is baie netjies met alles wat jy nodig het. Die sjokoladetjies is 'n bederf. Ek het 'n "koffie plunger" gemis. My opinie is dat indien mens die huisie skoon los soos jy dit gekry het, dit nie billik is om R150 skoonmaakfooi te betaal indien jy net een nag oorbly nie.