Riverside Manor

Selfsorg

Gratis kansellasie tot 1 week voor jou verblyf!
Soos Gesien op Instagram
Kapasiteit: 10 mense
Inkloktyd: 14:00 tot 19:00
Uitkloktyd: 10:00
Adres: Riverside-laan 9, Onrus, 7201, Wes-Kaap
Alle ouderdomme is welkom
Vanaf R10 300 per nag (plek vir 10)

Beskrywing

Riverside Manor bied 'n luukse vakansie in 'n pragtige herehuis met 'n panoramiese uitsig op die Overberge en oor die rustige omgewing van die Onrusrivier. Dit is net 'n klein ent se ry vanaf Hermanus.

Die kunstig ontwerpte huis met 'n pragtige tuin is ruim en spog met uitsigte vanuit elke kamer. Daar is ook 'n jetty op die rivieroewer vanwaar gaste kan staanroei en kajakvaar.

Die huis bied slaapplek aan 10 gaste en beskik oor 5 slaapkamers met 5 badkamers. Die hoofslaapkamer op die eerste verdieping het 'n koninggrootte-bed en 'n en suite-badkamer met 'n groot stort, 'n instap-aantrekarea, 'n wasbak en 'n toilet. Die tweede slaapkamer is ook op die eerste verdieping en het 'n koninggrootte-bed en 'n en suite-badkamer met 'n stort-oor-bad, wasbak en 'n toilet. Die gaste in dié 2 slaapkamers deel 'n privaat TV-sitarea en kantoorarea met toegang tot 'n balkon met 'n uitsig oor die Onrusrivier-strandmeer, inheemse bos en die swembad op die perseel.

Op die onderste verdieping het die derde slaapkamer 'n koningingrootte-bed en 'n en suite-badkamer met 'n stort, wasbak en 'n toilet. Dit bied ook toegang tot die stoep met 'n uitsig oor die binnehoftuin, vuurput en buite-eetarea. Langs die derde slaapkamer is daar nog 'n TV-sitarea met 'n groot platskerm-TV. Die vierde slaapkamer het 'n koningingrootte-bed en 'n en suite-badkamer met 'n stort, wasbak en 'n toilet. Die vyfde slaapkamer het 2 enkelbeddens. Langsaan is daar 'n gastebadkamer met 'n stort, wasbak en 'n toilet. Skoon linne en handdoeke word voorsien.

Die oopplan-kombuis is met 'n yskas-vrieskas, gasstoof, oond, lugbraaier, mikrogolfoond, eetgerei, breekware en tee- en koffiemaakgeriewe toegerus. In die aparte opwaskamer is daar 'n skottelgoedwasser, wasmasjien en 'n tuimeldroër. Dit lei na 'n eetarea met 'n etenstafel vir 10 en 'n derde TV-sitarea met gemaklike sitplek en 'n kaggel. Die oopplan-leefarea lei na 'n groot sondek.

Op die binnehofdek is daar 'n draagbare gasbraai, 'n tafeltennistafel, 'n etenstafel, 'n sitarea en 'n vuurput. Daar is nog 'n dek met 'nsitarea op die rivieroewer langs die soutwaterswembad. Die jetty is net 'n paar trappies van die dek af.

Veilige parkeerplek op die perseel en WiFi is beskikbaar.

Die huis is stapafstand vanaf Onrusstrand, verskeie koffiewinkels en restaurante. Onrus is uitstekend vir stap al langs kuspaadjies en ideaal vir natuurliefhebbers.

Kry ’n Kwotasie