San Lameer Golf Estate Villa 2525

San Lameer Villa 2525 is 'n pragtig ingerigte selfsorg-eenheid op die San Lameer-gholflandgoed. Dié landgoed is 'n wonderlike vakansieplek wat 2 swembaddens, 3 tennisbane, 2 muurbalbane, 'n gholfbaan met 18 putjies en bergfietsrypaadjies het. Daar is 'n Mashie-gholfbaan, 'n speelarea met klimrame en glyplanke tot in 'n swembad, so dis enige kind se droombestemming. San Lameer spog ook met 'n pragtige Blouvlagstrand wat skoon en goed onderhou is.

Villa 2525 het slaapplek vir 6 en beskik oor 3 slaapkamers. Die eerste en tweede slaapkamers het elkeen 'n koningingrootte-bed en die derde slaapkamer het 2 enkelbeddens. Die villa is volle…

Sien meer

San Lameer Villa 2525 is 'n pragtig ingerigte selfsorg-eenheid op die San Lameer-gholflandgoed. Dié landgoed is 'n wonderlike vakansieplek wat 2 swembaddens, 3 tennisbane, 2 muurbalbane, 'n gholfbaan met 18 putjies en bergfietsrypaadjies het. Daar is 'n Mashie-gholfbaan, 'n speelarea met klimrame en glyplanke tot in 'n swembad, so dis enige kind se droombestemming. San Lameer spog ook met 'n pragtige Blouvlagstrand wat skoon en goed onderhou is.

Villa 2525 het slaapplek vir 6 en beskik oor 3 slaapkamers. Die eerste en tweede slaapkamers het elkeen 'n koningingrootte-bed en die derde slaapkamer het 2 enkelbeddens. Die villa is volledig toegerus vir selfsorg en sluit 'n skottelgoedwasser en 'n tuimeldroër in. In die leefarea is daar 'n TV met volledige DStv Explora. Daar is 'n boma-braaiplek en ingeboude braaigeriewe buite op die veranda. 'n Onderdakparkeerplek en 'n oop parkeerplek is beskikbaar.

San Lameer het 'n hotel waar 'n mens lekker kan eet of cappuccino's drink. Daar is ook 'n Camelot-spa, 'n Spar en selfs 'n biblioteek. Gholfkarretjies kan gehuur word. Ywerige voëlkykers sal beloon word met 195 verskillende voëlspesies. Daar is ook 2 kroonarende wat by San Lameer nesgemaak het en hulle het sopas 'n nuwe arendkuiken verwelkom. Sodra jy by San Lameer aankom, begin jou vakansie of naweekwegbreek en jy hoef nie weer in jou motor te klim om êrens heen te ry nie. Skop jou skoene uit en ontspan!