Santos 57

Beskrywing

Santos 57 bied gerieflike selfsorg-akkommodasie in Santosstrand in Mosselbaai. Dit is 'n tweeslaapkamerwoonstel op die eerste vloer met see-uitsigte.

Dié woonstel het 2 slaapkamers, 2 badkamers en 'n oopplan-kombuis en -sitarea. Die eerste slaapkamer het 'n dubbelbed en die tweede slaapkamer het 2 enkelbeddens. Die kombuis is toegerus met 'n mikrogolfoond, 'n ketel, 'n broodrooster, 'n yskas, 'n oond en 'n stoof, 'n tuimeldroër en 'n skottelgoedwasser. Die sitarea beskik oor 'n platskerm-TV met 'n DVD-speler en DStv. Gaste geniet toegang tot 'n ruim balkon met ingeboude braaigeriewe. Daar is 'n wag op die perseel 24 uur 'n dag en gaste het toegang tot parkeerplek buite.

Santosstrand is 'n Blouvlagstrand wat in die gewilde vakansiedorp Mosselbaai geleë is. Die groot, oop strand bied uitsigte oor die baai en dis die ideale plek om walvisse en dolfyne vanaf Mei tot Oktober in die see te sien baljaar. Santosstrand is fantasties en ideaal vir 'n groot verskeidenheid watersport en -doendinge soos paddle-ski, branderplankry, bootritte, duik en hengel. Santosstrand is ideaal geleë naby aan 'n hele rits restaurante en plaaslike besienswaardighede.