Serenity Guesthouse

Selfsorg

Kapasiteit: 2 mense
Inkloktyd: 14:00 tot 19:00
Uitkloktyd: 10:00
Adres: Malherbestraat 73, Clarens, 9707, Vrystaat
Alle ouderdomme is welkom
Vanaf R1 450 per nag (plek vir 2)

Beskrywing

Serenity Guesthouse bied 'n bekoorlike en rustige selfsorgwegbreek in Malherbestraat, Clarens. Dit spog met 'n asemrowende uitsig oor die majestueuse Malutiberge. Hiér kan gaste die natuurskoon geniet.

Hierdie ruim solderkamer bied slaapplek aan 2 gaste en beskik oor 1 slaapkamer, 1 badkamer en 'n oopplan-kombuis, -eetarea en -leefarea. Die slaapkamer het 'n dubbelbed en 'n lessenaar. Daar is oorgenoeg kasruimte en 'n en suite-badkamer met 'n bad, stort, wasbak en 'n toilet. Linne en handdoeke word voorsien.

Die kombuis is met 'n yskas-vrieskas, stoof, oond, mikrogolfoond, basiese eetgerei, breekware en koffie- en teemaakgeriewe toegrus. Dit lei na die sitarea met 'n dubbelslaapbank, slim-TV en 'n lieflike kaggel. Gratis WiFi is beskikbaar.

Die leefarea lei na 'n stoep van 24 vierkante meter met 'n ingeboude braai. Dit bied 'n uitsig oor die Maluti-bergreeks, gemaklike stoele en 'n ronde tafel waar gaste maaltye saam kan geniet. Die Clarens Village Conservation is 500 m se stap weg en gratis permitte en kaarte is by gaste se verblyf ingesluit.

Kry ’n Kwotasie