Shangri-La Country Hotel & Spa

Hotel

Kapasiteit: 92 persone
Inkloktyd: 14:00 tot 19:00
Uitkloktyd: 10:00
Adres: Eersbewoon-weg, Modimolle, 0510, Limpopo
Alle ouderdomme is welkom
Vanaf R762 per nag (plek vir 2)

Beskrywing

Shangri-La Country Hotel & Spa is in die skilderagtige Waterberge, in die hartjie van die bosveld op 'n 32 ha-plaas geleë, sowat 14 km vanaf Modimolle. Dié hotel bied hul eie stukkie tropiese paradys wat 'n gevoel van nostalgie sal optower.

Verblyf bestaan uit standaardkamers, executive-kamers, gesinskamers en rondawels. Elke kamer het 'n dubbelbed of 2 enkelbeddens en bied 'n privaat en suite-badkamer met 'n bad of 'n stort. Die gesinskamers bied slaapplek vir 2 volwassenes op 'n dubbelbed en 1 kind op 'n enkelbed. Geriewe in die kamer sluit lugversorging, 'n slim-TV met Netflix/Showmax en tee- en koffiemaakgeriewe in. Gratis WiFi is ook beskikbaar.

Gaste wat uit die stad wil ontsnap en bietjie rustiger wil raak, sal verstaan waarom die naam, Shangri-La, so gepas is. Dit bied welige tropiese tuine, 'n waterval, lowerryke paadjies en rustigheid. In die oop veld langs die hotel swaai apies en bobbejane speels in die bome rond, en hier en daar loop eende en huiskatte ook lui-lekker deur die velde.

Paartjies, families of klein vriendegroepe wat rustige natuurtonele geniet en waardeer, kan dit gerus by dié hotel ervaar. Dit is 'n gemaklike uur en 45 minute se ry vanaf Johannesburg.

Kry ’n Kwotasie