Shelley Point on Sea

Selfsorg

Kapasiteit: 4 persone
Inkloktyd: 14:00 tot 19:00
Uitkloktyd: 10:00
Adres: 1ste Laan 58, Shelley Point, St Helenabaai, 7390, Wes-Kaap
Geen kinders onder 18
Vanaf R5 200 per nag (plek vir 2)

Beskrywing

Shelley Point on Sea is op die noordelike punt van Shelley Point-skiereiland in St Helenabaai geleë en bied selfsorgverblyf aan 4 gaste.

Die woonstel op die grondverdieping bied toegang tot Golden Mile se strande wat 4,5 km strek en het 'n privaat ingang met 'n ontvangsportaal. Daar is 2 slaapkamers met lugversorging, 2 badkamers, 'n kombuis, sitkamer en 'n kuierstoep.

Let asb. dat gaste slegs die woonstel op die grondverdieping kan bespreek, en nie die hele huis nie.

Die Royal Suite het 'n koninggrootte-bed en 'n en suite-badkamer met 'n dubbelstort, bad, 'n dubbelwasbak en 'n toilet. Die Imperial Suite het ook 'n koninggrootte-bed wat in 2 enkelbeddens omskep kan word. Hierdie kamer het ook 'n en suite-badkamer met 'n instapstort, 'n bad, dubbelwasbak en 'n toilet. Die badkamers het verhitte handdoekrelings en linne en handdoeke word voorsien. Swemhanddoeke is op versoek beskikbaar en daar is ook 'n buitestort.

Die oopplan-kombuis is met 'n gasstoof, elektriese oond, mikrogolfoond, yskas-vrieskas, skottelgoedwasser, eetgerei, breekware, potte, panne en tee- en koffiemaakgeriewe toegerus en gaste kan hul maaltye saam in die eetarea of op die stoep geniet.

Verder kan gaste in die sitarea ontspan voor die TV met sekere DStv-kanale en Netflix. WiFi is beskikbaar en die area lei na 'n kuierstoep met 'n gasbraai vanwaar gaste die dolfyne en walvisse kan dophou wat nou en dan kopuitsteek.

Veilige parkeerplek is beskikbaar en rook word nie toegelaat nie. Gaste mag nie harde musiek speel, partytjies hou of besoekers kry nie.

Shelley Point on Sea is op 'n sekuriteitslandgoed met 'n 9-putjie gholfbaan geleë en die strand bied verskeie aktiwiteite soos swem, branderry, sweefski en kajakvaart aan. Gaste kan ook die area met fynbos, verskeie voëlspesies, robbe en ander seelewe verken.

Kry ’n Kwotasie