Potchefstroom Akkommodasie by Silver Spoon Selfsorg | LekkeSlaap
+75

Silver Spoon Selfsorg

  • Kapasiteit: 6 persone
  • Inkloktyd: 14:00 tot 21:00
    Uitkloktyd: 10:00
  • Adres: Kolgans-straat 8, Potchefstroom, 22531, Noordwes
  • Alle ouderdomme is welkom
  • Vanaf R660 per nag (vir 2 persone)

Beskrywing

Silver Spoon Selfsorg is in 'n rustige, netjiese woonbuurt, Mooivalleipark, Potchefstroom geleë en beskik oor 2 eenhede met slaapplek vir 6 gaste.

Eenheid 1 is 'n losstaande eenheid met slaapplek vir 4 gaste. Die slaapkamer het 'n koningingrootte-bed en 'n enkelbed. Dit is ideaal vir 2 volwassenes met 'n jong kind. Daar is ook 'n ekstra enkelbed in die sitarea vir 'n vierde gas of 'n tweede kind. Privaatheid is prioriteit en behalwe vir die private braai-area, lei die kombuisdeur na 'n privaat klein tuintjie agter die eenheid.

Die slaapkamer het lugversorging, 'n plafonwaaier, voldoende beddegoed, handdoeke, 'n haardroër en elektriese komberse en genoegsame plek vir bagasie. Die badkamer het 'n stort, 'n aparte toilet en ook 'n verwarmer vir die winter. Die oopplan-kombuis is toegerus met 'n yskas, vrieskas, mikrogolfoond, tweeplaatstoof, warmskinkbord, stoomyster en 'n strykplank. Koffie- en teemaakgeriewe, netjiese eetgerei, breekware, kookgerei, elektriese braaipan en 'n klein binneshuise elektriese braaier word ook voorsien.

Die sitkamer het 'n waaier, verwarmer en 'n TV met die volle DStv-pakket (Explora) en gratis WiFi . Oop- en onderdak-braaigeriewe is beskikbaar. Houtskool en vuuraanstekers kan op versoek en teen 'n ekstra koste voorsien word.

Eenheid 2 is op die eerste verdieping. Dié eenheid is heeltemal privaat van Eenheid 1 op die grondvloer. Dit het 'n privaat ingang met 'n buitetrap en beskik oor 1 slaapkamer met 2 enkelbeddens. Eenheid 2 kan dien as 'n tweede slaapkamer vir Eenheid 1, maar kan ook apart bespreek word. Saam met Eenheid 1 is dit geskik vir 'n familiebyeenkoms. Genoegsame beddegoed, handdoeke, elektriese komberse en basiese toiletware word voorsien. Hier is ook lugversorsorging, 'n volle DStv-pakket en gratis Wi-Fi beskikbaar. Die badkamer is en suite met 'n toilet, wasbak en stort. Die kombuisie is toegerus met 'n yskassie onder die toonbank, mikrogolfoond, eetgerei, breekware, en koffie- en teemaakgeriewe. 'n Klein elektriese braaier en 'n Weber-braai is op die onderdakbalkon beskikbaar.

Silver Spoon Selfsorg is naby verskeie trou-venues langs die Carletonville-pad geleë, naby restaurante en is slegs 'n hanetree vanaf Noordwes Universiteit, Potchefstroom Gimnasium, Fanie Du Toit-sportgronde, Senwes Park, die Aardklop-terrein en 10 km vanaf Boskopdam en die Boskop-seiljagklub.

Die veiligheid van gaste geniet hoë prioriteit by dié instansie. Die buurt se ingang en strate is toegerus met geslotekringstelevisie wat 24 uur 'n dag, 7 dae 'n week deur 'n sekuriteitsmaatskappy gemonitor word. Hierbenewens is die perseel goed toegerus met 'n buite-alarmstelsel.

Kenmerke

Afrikaans
Braaiplek
Veilige Parkering
Gratis WiFi

Geriewe

  • Braaiplek
  • Kombuisgeriewe
  • Geen Rook Binnenshuis
  • Malaria-vrye streek
  • Satelliet-TV
  • Selfsorg
  • Gratis WiFi
  • WiFi

Aktiwiteite Naby

  • Perdry
  • Visvang
  • Voëlkyk
  • Fietsry
  • Swem

Hier praat ons

  • Afrikaans
  • Engels

Parkeerplek

  • Veilige Parkering
  • Agter Elektriese Hek
  • Onderdakparkering
  • Parkering Van Die Straat Af

Betaalopsies op Perseel

  • Elektroniese Fondsoorplasing

Opsomming van Resensie

5 uit 5van 20 resensies vir Silver Spoon Selfsorg
Netheid
5.0/5
Diens
5.0/5
Ligging
4.9/5
Veiligheid
5.0/5
Waarde vir geld
5.0/5

Ligging

  • Kolgans-straat 8, Potchefstroom, 22531, Noordwes
  • Gaste dink Silver Spoon Selfsorg het ’n uitstekende ligging
Kliek hier om die ligging se sien
Sien kaart

Sien meer verblyf in

Potchefstroom Noordwes
Vanaf R660
per nag (vir 2 persone)
Vanaf R660
per nag (vir 2 persone)
Maak 'n Bespreking
  • Kapasiteit: 6 persone
  • Inkloktyd: 14:00 tot 21:00
    Uitkloktyd: 10:00
  • Adres: Kolgans-straat 8, Potchefstroom, 22531, Noordwes
  • Alle ouderdomme is welkom
https://d288tngog90ix0.cloudfront.net/AAEAAQAAAAAAAAAAAAAAFtGlNdixynhefIGTInYiwDbROhmgpvncoRsZS18EGTJjNMmFSt?w=1440&h=960&fit=crop&auto=format Vanaf R660  per nag (vir 2 persone) 20 5 1 5 8 Kolgans Street Potchefstroom 22531 Noordwes 086 999 0018 14:00-21:00 10:00 -26.67967 27.10837
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za