Silver Stream Studio

Beskrywing

Silver Stream Studio bied gehalteverblyf in 'n uiters veilige omgewing, Hazeldean, Pretoria aan paartjies of sakereisigers. Dit is naby verskeie winkels, restaurante, doendinge, besienswaardighede en verskeie trou-venues.

Die landgoed se sekuriteit is topgehalte en dit bied ook 'n pragtige ontspanningsarea met 'n dammetjie, groen grasperke en speelplek vir kinders.

Dié ateljee het 'n dubbelbed en 'n slaapbank, 'n stort in die kamer en 'n aparte toilet en 'n wasbak. Beddegoed en handdoeke word voorsien.

Die kombuisie is met 'n mikrogolf, yskassie, tee- en koffiemaakgeriewe, breekware en eetgerei toegerus en koffie, tee en beskuit word voorsien.

Die ateljee het 'n TV met Netflix en WiFi.

Die kamer lei na 'n privaat balkon waar gaste koffie of 'n skemerkelkie kan geniet.

Die eenheid is op 'n residensiële perseel, maar het 'n privaat ingang vanaf die straat via 'n spiraaltrap.

Veilige parkeerplek is op die perseel beskikbaar.