Steenbokfontein See Plaas Akkommodasie

Voeg by Gunstelinge

 

Beskrywing

Steenbokfontein bied 3 lieflike, volledig toegeruste selfsorg-eenhede op 'n unieke Weskus-plaas, slegs 100 m vanaf die see. Ons is net 4 km suid van die gewilde Muisbosskerm en 9 km suid van Lambertsbaai op die Lambertsbaai-Elandsbaai-pad.

Steenbokfontein het 3 selfsorg-eenhede wat elk 'n ruim leefarea het en gemaklike slaapplek vir tot 6 mense bied. Die sitarea het gemaklike rusbanke en 'n TV met DStv-kanale. Die kombuis is volledig toegerus met 'n mikrogolfoond, tweeplaatstoof en yskas-vrieskas. Elke eenheid het 2 slaapkamers wat met 'n dubbelbed ingerig is. Buite is daar 'n privaat patio met ingeboude braaigeriewe.

Daar is veilige parkeerplek, 'n motorwas-area en toesluitgeriewe in 'n skuur. Op die plaas kan gaste tradisionele boerekos, ontbyt, tuisgebakte brood en mosselsop wat op 'n koolstoof gekook is by die Plaaskombuis geniet. Besprekings is noodsaaklik. Pragtige Namakwaland-blomme bedek die hele plaas gedurende die lente.

Besoekers kan die stil en rustige atmosfeer met die klank van branders in die agtergrond hier geniet. Wilde diere soos steenbokkies, hasies en kleurvolle voëls soos poue, korhane, heilige ibisse, tarentale, valke en hadedas kom groet ons gaste soggens en saans. Gaste is welkom om Simon's Rock te besoek waar Simon van der Stel destyds die nag deurgebring het. Meer as 100 jaar gelede, naby die strand by Steenbokfontein, het die HMS Sybille gestrand en ons het inligting daaromtrent en die familie liefdesverhaal wat daarmee gepaard gaan, vir diegene wat sou belangstel. Daar is fietsry- en voetslaan-roetes wat kruis en dwars loop oor die hele plaas en geskik is vir oud en jonk. Ons het ook 'n labirint met 'n pragtige uitsig oor die rotsagtige heuwels, dassies, 'n plaas en die see om te geniet. Gaste kan kreefduik, visvang en branderplankry op die privaat strand oorkant die plaas. Een van die langste treine in die wêreld kan gesien en gehoor word soos hy op die naby Saldanha/Sishen-spoorweg verbystoom.

Kenmerke

  •  Afrikaans
  •  Braaiplek
  •  Troeteldiere indien gereël
  •  Veilige Parkering

Aktiwiteite Naby

  •  Visvang
  •  Voëlkyk
  •  Wynproe
  •  Bergfietsroetes

Aktiwiteite op perseel

  •  Visvang
  •  Fietsry

Betaalopsies op Perseel

  •  Kontant
  •  Elektroniese Fondsoorplasing

Geriewe

  •  Braaiplek
  •  Geen Rook Binnenshuis
  •  Troeteldiere indien gereël
  •  Restaurant op Perseel
  •  Selfsorg

Hier praat ons

  •  Afrikaans
  •  Engels

Maaltye Aangebied

  •  Etes Op Versoek

Parkeerplek

  •  Veilige Parkering

Kaart Meer oor die omgewing 

Gaste wat na Steenbokfontein See Plaas Akkommodasie gekyk het, het ook belangstelling getoon in die volgende lekke plekke:

Vanaf R750 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za