Sterland La Pari Pari & Bay Window

Selfsorg

Kapasiteit: 8 persone
Inkloktyd: 14:00 tot 19:00
Uitkloktyd: 10:00
Adres: Bassonstraat 3, Sutherland, 6920, Noord-Kaap
Alle ouderdomme is welkom
Vanaf R1 000 per nag, vir 2 mense

Beskrywing

Sterland La Pari Pari & Bay Window is 'n lieflike Victoriaanse huis met slaapplek vir 9 gaste.

Dié huis beskik oor 4 kamers. Die eerste kamer het 'n dubbelbed, die tweede kamer het 1 enkelbed, en 1 driekwartbed, die derde kamer het 'n dubbelbed, die vierde kamer het drie enkelbeddens. Elke kamer het 'n muurverwarmer, 'n elektriese kombers en handdoeke. Die twee badkamers het elk 'n stort.

Die huis het 'n kombuis wat toegerus is met 'n yskas-vrieskas, mikrogolfoond, stoof en 'n oond, asook 'n binnebraai. Die sitkamer get 'n TV en 'n lieflike kaggel vir die koue nagte. Onder die bome buite is 'n geboude braaiplek.

Sterrekyk-uitstappies saam met Jurg vind op meeste aande tussen 20:00 en 22:00 plaas, maar besprekings word vereis. Tesame met die sterre, is daar `n ongelooflike fossieluitstalling en 'n kundige persoon om al gaste se vrae te beantwoord. 'n Kort lesing word gegee en daarna word die gaste na die 6 teleskope (11'') geneem. Besoekers kan ook die NG Kerk, N.P. van Wyk Louw-museum of die sterrewaghuis (wat een van die grootste teleskope in die Suidelike Halfrond het) besoek of 'n ent op die Oubergpas gaan ry. Daar is lekker staproetes, die kortste is 3 km.

Kry ’n Kwotasie