Strandloper @ Moeriesbaai

Selfsorg

Gratis kansellasie tot 1 week voor jou verblyf!
Kapasiteit: 2 persone
Inkloktyd: 17:00 tot 20:00
Uitkloktyd: 10:00
Adres: Strandloperstraat 32, Moerie se baai, Jacobsbaai, 7380, Wes-Kaap
Geen kinders onder 18
Vanaf R1 200 per nag (plek vir 2)

Beskrywing

Strandloper @ Moeriesbaai is in die kusdorp Jacobsbaai geleë. Dit is die perfekte plek vir 'n lang vakansie, kort wegbreek of 'n oornagstop aan die Weskus. Die woonstel met sy apate ingang en braaibalkon is spesifiek beplan om privaatheid, gemak, veiligheid en luuksheid aan gaste te bied. Die balkon bied ook uitsigte en die woonstel is stapafstand van die strand in Moeriesbaai af.

Die woonstel het 'n oopplan-uitleg met 'n kombuisarea en 'n slaaparea. Daar is ook 'n en suite-badkamer met 'n toilet, wasbak en 'n groot stort. Handdoeke word voorsien. Daar is 'n 40" platskerm-TV teen die muur. Daar is ook WiFi word voorsien. Netflix, YouTube en Showmax is ook beskikbaar. Daar is 'n yskas-vrieskas, kookblad en oond, mikrogolfoond, houtskoolkaggel en 'n skottelgoedwasser. 'n Omsetter en rugsteunbatterye hou die ligte, WiFi en TV tydens beurtkrag aan.

Daar is deure wat toegang bied tot 'n balkon en gaste kan gebruik maak van die ingeboude braai-area. Braaitoerusting en hout word voorsien. Gaste kan die omliggende Weskus se natuurlike plantegroei geniet en Moeriesbaai se strand is gedeeltelik te sien in die noorde. Die strand is 100 m vanaf die huis.

Toegang tot die woonstel word via 'n stel privaat trappe bereik. Parkeerplek is beskikbaar op die perseel en 'n alarmstelsel en laserstraal-sekuriteit dra by die toe veiligheid van die gaste en hul voertuie.

Jacobsbaai bied verskeie doendinge, soos voëlkyk, watersport, bootry, visvang, duik, verskeie voetslaanpaaie en duinery.

Kry ’n Kwotasie