Swallowtail Country Estate

Selfsorg

Kapasiteit: 16 mense
Inkloktyd: 14:00 tot 19:00
Uitkloktyd: 10:00
Adres: Swallowtail Country Estate, Hoofweg 1B, Hogsback, 5721, Oos-Kaap
Alle ouderdomme is welkom
Vanaf R1 200 per nag (plek vir 2)

Beskrywing

Swallowtail Country Estate is in die vakansiebestemming Hogsback. Hierdie area is alombekend vir sy pragtige lente-, somer- en herfstuine en is ook 'n paradys vir natuurliefhebbers. Hogsback, met sy lieflike berge, ongelooflike uitsigte, magiese woude, mistigheid, pragtige voëls, skoenlappers en paddastoele, en skitterende sonsondergange het sy eie unieke rustigheid en bekoring.

Dié klein dorpie lê hoog teen die Amatola-berge, word deur inheemse woude en helder watervalle omring en deur mis omhul. Dis 'n geheimsinnige plekkie wat die gemoed streel en vernuwe. Verskeie voetslaanpaaie lei besoekers na rustigheid in die hartjie van die ongerepte natuurskoon, waar onder andere 'n majestueuse ou geelhoutboom waak.

Swallowtail Country Estate bied selfsorgverblyf in 2 bekoorlike kothuise - Swallowtail-kothuis en Melody-kothuis. Elke kothuis is gerieflik gemeubileer en het sy eie kombuis, leefarea met DStv, kaggel en braaigeriewe.

Swallowtail Country Estate is ook stapafstand vanaf winkels, restaurante en voetslaanpaaie.

Kry ’n Kwotasie