Sweni Lodge 91 Mjejane Kruger

Selfsorg

Blits-aanbod 30% af

Kry 30% af vir verblyf voor 7 Junie 2024. Bespreekbaar tot 21 Apr 2024

Tyd oor om te bespreek

Soos Gesien op Facebook
Kapasiteit: 6 persone
Inkloktyd: 14:00 tot 20:00
Uitkloktyd: 09:00
Adres: Lodge 91, Mjejane Wildreservaat, Hectorspruit, 1330, Mpumalanga
Alle ouderdomme is welkom
Vanaf ~~R3 500~~ R2 450 per nag (plek vir 6)

Beskrywing

Sweni Lodge 91 Mjejane Kruger is in die Mjejane Privaat Wildreservaat, 2 km van Hectorspruit af. Die reservaat is aan die oewer van die Krokodilrivier en is een van Suid Afrika se topreservate en die enigste residensiële landgoed wat direkte toegang met 'n privaat brug na die Krugerwildtuin het.

Sweni Lodge is aan die westelike kant van die hoof-rivierlodge langs die bosstaanplekke. Daar is 3 slaapkamers. Twee van die kamers het dubbelbeddens en die derde kamer het 2 enkelbeddens. Die huis het 2 volledige badkamers en al die kamers het lugversorging. Daar is 'n groot TV met flieks en 'n privaat dek met 'n uitsig oor die bosveld en 'n lekker braai-area. Die eenheid het onbeperkte WiFi. Sonkrag, gasstoof en -geisers verseker minimale invloed indien die krag onderbreek word.

Die swembad is 'n kort entjie se stap van die kamers af. Daar is 'n klein geriefswinkel in die klubhuis, maar net die allernodigste word verkoop. Klimrame, buitemuurse skaak en 'n speletjieskamer is beskikbaar om die jongspan besig te hou. Daar is onderdakparkeerplek vir 2 voertuie. Die lodge se eie wildkyk-voertuig kan bespreek word met 'n privaat gids vir sonsondergang- en sonsopkomsritte.

Mjejane Reservaat strek 10 km langs die Krokodilrivier af aan die suidelike grens van die Krugerwildtuin en is deel van die Groter Wildtuingebied. Gaste kan die Groot 5 van die lodge af besigtig. Bespreek 'n wildrit op die lodge se privaat safarivoertuig of geniet 'n selfrit in die Krugerwildtuin met die direkte toegangsbrug (tydelik gesluit). Wilde diere, insluitend die Groot 5, is vry om tussen Mjejane en die Groter Krugerwildtuin te beweeg.

Kry ’n Kwotasie