Nuweland Akkommodasie by Table Mountain Villa | LekkeSlaap

+44

Table Mountain Villa

Selfsorg

Kapasiteit: 6 persone
Inkloktyd: 15:00 tot 23:00
Uitkloktyd: 11:00
Adres: Thornstraat 28, Fernwood-landgoed, Nuweland, Kaapstad, 7700, Wes-Kaap
Alle ouderdomme is welkom
Vanaf R3 300 per nag (plek vir 6)

Beskrywing

Table Mountain Villa is aan die voorheuwels van Tafelberg geleë en grens aan die Tafelberg Nasionale Park. Die villa het 'n privaat ingang na bergroetes en is net 'n entjie se stap van Kirstenbosch Botaniese Tuine af. Dit spog met 'n kontemporêre Balinese boomhuis-ontwerp wat lekker tussen die omliggende natuur versteek is.

Dié dubbelverdiepinghuis beskik oor 3 slaapkamers en het slaapplek vir 6 gaste. Die eerste slaapkamer het 'n koninggrootte-bed, 'n losstaande bad, 'n en suite-badkamer met 'n stort, en toegang tot die dek en swembad. Die tweede en derde slaapkamer het elkeen 'n koningingrootte-bed. Die tweede slaapkamer het ook 'n privaat dek. Die tweede badkamer het 'n stort, bad, toilet en 'n wasbak, en skakeldeure wat na die tweede en derde slaapkamers lei. Daar is 'n derde badkamer met 'n toilet en 'n wasbak wat via die derde slaapkamer bereik word.

Die oopplan-kombuis is met 'n gasstoof, oond, yskas-vrieskas, mikrogolfoond, koffie- en teemaakgeriewe, breekware en eetgerei toegerus. DStv is in die sitarea en slaapkamer beskikbaar. Ander geriewe sluit 'n soutwaterswembad en 'n sekuriteitstelsel met geslote-kringtelevisie in. Gaste het ook toegang tot veilige parkeerplek in 'n dubbelkeldermotorhuis en 'n privaat hek na die nasionale park.

Table Mountain Villa het genoeg lig en ruimte, 'n majestueuse uitsig oor die bome in die park en 'n uitsig op Tafelberg. Die villa het 'n dek wat 270° op 2 vlakke om die villa strek, binne- en buite-kuierareas met 'n ingeboude braai, buitemeubels en ander geriewe.

Dit is ideaal geleë en net 1 verkeerslig van die middestad af, 5 minute se ry van Newlands Village se restaurante, inkopiewinkels in Claremont en die Constantia Wynroete af, en net 20 minute se ry van die stad se ikoniese strande af.

Kry ’n Kwotasie