TenteToe

TenteToe skuil in 'n wildkamp op dieselfde plaas as die bekende Makojalo Venue & Guesthouse, net 7 km vanaf Potchefstroom in Noordwes. Die plaas is 153 km vanaf Johannesburg en 40 km van Parys af. Die Vredefort-koepel, 'n Wêrelderfenisgebied, is net 'n halfuur se ry van hier af.

Ons bied verblyf in 4 permanente, luukse safari-tente wat op betonblaaie opgeslaan is. Die tente is in die veld en die plantegroei bied privaatheid. Daar is nie elektrisiteit nie, maar tradisionele donkies voorsien water en lig word deur sonkrag voorsien.

Elke tent het 'n klein stoep met safari-meubels, elegante dekor met 'n plaaskinkel in die…

Sien meer

TenteToe skuil in 'n wildkamp op dieselfde plaas as die bekende Makojalo Venue & Guesthouse, net 7 km vanaf Potchefstroom in Noordwes. Die plaas is 153 km vanaf Johannesburg en 40 km van Parys af. Die Vredefort-koepel, 'n Wêrelderfenisgebied, is net 'n halfuur se ry van hier af.

Ons bied verblyf in 4 permanente, luukse safari-tente wat op betonblaaie opgeslaan is. Die tente is in die veld en die plantegroei bied privaatheid. Daar is nie elektrisiteit nie, maar tradisionele donkies voorsien water en lig word deur sonkrag voorsien.

Elke tent het 'n klein stoep met safari-meubels, elegante dekor met 'n plaaskinkel in die interieur en is uniek versier. Die tente het elkeen 'n slaapkamer en sitarea, 'n klein kombuisie en 'n en suite-badkamer. Draagbare braaiers word voorsien as jy privaat naby jou tent wil braai. Daar is ook 'n gemeenskaplike boma met 'n vuurput en ingeboude braaiplekke. Dit is ideaal vir besoekers wat die sonsondergange, sterre, en vlamtonge met 'n glas wyn in die hand wil geniet.

Die kans is goed dat jy die rooibokke sal hoor, of dat 'n bok of kameelperd 'n draai by jou tent sal maak. Wildritte is ingesluit sodat jy die swartwitpense, kameelperde, waterbokke, verskillende rooibokspesies, koedoes, gemsbokke, elande en meer kan beleef.

TenteToe bied 'n rustige, vreedsame atmosfeer vir stadsjapies wat smag na ontvlugting van die gejaagde lewe in die stad.