The Brother's Guest House

Gastehuis

Kapasiteit: 9 persone
Inkloktyd: 14:00 tot 19:00
Uitkloktyd: 10:00
Adres: Burleigh-singel 14, Durban-noord, 4051, KwaZulu-Natal
Alle ouderdomme is welkom
Vanaf R1 300 per nag, vir 2 mense

Beskrywing

The Brother's Guest House is in die gesogte voorstad Durban-noord, een van die oudste buurte in Durban, en naby die stad se vernaamste besienswaardighede geleë. Die gastehuis is net 15 minute se ry vanaf die middestad, die groot sportstadions, Gateway Mall en Umhlanga se pragtige strande. Verskeie restaurante is stapafstand hiervandaan.

Die gastehuis bied verblyf in 3 gastekamers in die hoofhuis en 'n groot, volledig ingerigte, aparte kothuis. Elke gastekamer het 'n en suite-badkamer, 'n yskassie, mikrogolfoond, koffie- en teemaakgeriewe, 'n plafonwaaier, lugversorging, TV met DStv (gastehuis-pakket) en gratis WiFi.

Ontbyt word in die eetkamer bedien of buite by die swembad-area wat oor die rustige tuin uitkyk. Gaste kan kies tussen 'n Kontinentale of volledige Engelse ontbyt.

The Brother's Guest House is in 'n rustige, tropiese tuin met palmbome. Daar is 'n heerlike swembad, grasdak-gazebo en braaigeriewe. Gaste kan by die swembad ontspan, in die sitkamer agteroorsit met 'n boek, of 'n bietjie tyd verwyl in die gastehuis se eie kroeg en media-kamer. Daar is oorgenoeg veilige parkeerplek op die perseel.

Gashere Stephen en Robyn staan altyd gereed om jou versoeke te behartig.

Kry ’n Kwotasie