+19

The Guineafowl

12 resensies

Selfsorg

Kapasiteit: 6 persone
Inkloktyd: 14:00 tot 22:00
Uitkloktyd: 10:00
Adres: Saffraan-singel 28, , 6503, Wes-Kaap
Alle ouderdomme is welkom
Vanaf R1 100 per nag, vir 6 mense

Beskrywing

The Guineafowl is 'n vakansiewoonstel op die grondverdieping van die eienaar se huis, naby die strand in Reebok. Dié dorpie is tussen Klein-Brakrivier en Groot-Brakrivier en is net 'n entjie se ry van Hartenbos, Mosselbaai, George en George Lughawe af.

Die woonstel het 2 slaapkamers, 'n privaat ingang en is geskik vir 6 gaste. Die hoofslaapkamer het 'n koningingrootte-bed en 'n volle en suite-badkamer. Die tweede slaapkamer het 2 enkelbeddens en 'n en suite-badkamer met 'n stort. Daar is 2 enkelslaapbanke in die sitarea.

Die kombuis is met 'n yskas-vrieskas, stoof, oond, mikrogolf, wasmasjien en toonbank met stoele toegerus. Verder is daar 'n TV met DStv, oorgenoeg kragpunte en 'n piekniektafel buite.

Besienswaardighede in die area sluit die Botlierskop Wildreservaat, Reebokstrand, Kleinbrakstrand, restaurante, Oubaai Golf Estate en die Garden Route Casino in. Verder kan gaste in die area swem, voetslaan, bergfietsry, kajakvaar, visvang, valskermsweef en wynproe.

Kry ’n Kwotasie