+35

The Point Hotel

Hotel

Spesiale Aanbod 15% af

Kry 15% af. Geldig vanaf 1 Sep 2021 tot 12 Des 2021.

Kapasiteit: 28 persone
Inkloktyd: 14:00 tot 23:00
Uitkloktyd: 10:00
Adres: Puntstraat, The Point, Mosselbaai, 6500, Wes-Kaap
Alle ouderdomme is welkom
Vanaf ~~R1 900~~ R1 615 per nag (vir 2 persone)

Beskrywing

The Point Hotel is halfpad tussen Kaapstad en Gqeberha (Port Elizabeth) in die hartjie van die Tuinroete in die kusdorpie Mosselbaai. Dit is 'n besige vakansie-oord gedurende die somer en die ideale wegkruipplekkie in die winter. Mosselbaai kry tweede prys vir die matigste klimaat regdeur die jaar, naas Hawaii (volgens die Guinness Boek van Wêreldrekords).

The Point bestaan uit 48 en suite-kamers wat oor die see uitkyk met privaat balkonne wat die mees asemrowende uitsigte bied. Geriewe in die kamers sluit in: direkte-lyn telefone, internasionale kragpunte, 'n TV met DStv en Netflix, lugversorging, plafonwaaiers, paneelverwarmers, elektroniese kluise, WiFi in die kamers en regdeur die hotel en hidrouliese hysbakke en sekuriteitskamers wat ons hotel ten volle rolstoelvriendelik maak.

Die Nirvana Spa is op die eerste verdieping en bied 'n reeks behandelings. Dit het ook 'n Jacuzzi en stoomkamer.

Die hotel is op die rotse gebou, bo 'n natuurlike rotspoel met 'n uitsig oor Indiese Oseaan se eindelose blou. Jy kan op jou balkon staan en kyk hoe die bultrug- en noordkapperwalvisse en dolfyne in die see baljaar. Benewens die veilige getypoel waarin besoekers kan swem, is daar ook 'n wonderlike kuslyn om te verken.

Kry ’n Kwotasie