The Rosendal Country Retreat

Gastehuis

Soos Gesien op Facebook
Kapasiteit: 25 mense
Inkloktyd: 14:00 tot 19:00
Uitkloktyd: 10:00
Adres: Anna Maria Johanna-straat 6, Rosendal, 9720, Vrystaat
Alle ouderdomme is welkom
Vanaf R1 595 per nag, vir 2 mense

Beskrywing

The Rosendal Country Retreat bied gerieflike gastekamers in die plaasdorpie Rosendal.

Daar is 'n verskeidenheid kamers beskikbaar. Kamer 1, 2, 3 en 4 is elk vir 2 volwassenes geskik en het koninggrootte-beddens. Gesinskamer 7, 8, 9, 10, 11 en 12 is elk vir 2 volwassenes en 2 kinders geskik en het 'n koninggrootte-bed en 'n stapelbed. Elke kamer het 'n en suite-badkamer met 'n stort, bad en 'n toilet, behalwe Kamer 2 en 3 wat nie baddens het nie. Linne en badhanddoeke word voorsien.

Elke kamer beskik oor 'n kombuisie met 'n mikrogolfoond, tee- en koffiemaakgeriewe en 'n eetarea. Gratis, varsgebakte brood word voorsien. Gaste kan in die privaat sitarea voor die kaggel ontspan en hierdie area lei na die stoep waar daar 'n tuin-uitsig is. Rook is in die kamers verbode.

Gaste kan ook in die gemeenskaplike sitarea wat 'n kaggel en gratis WiFi het, ontspan. 'n Houtvuurwarmbad is op versoek beskikbaar mits dit vooraf gereël word. Parkeerplek word voorsien en gaste het toegang tot braaigeriewe.

Rosendal spog met verskeie kunsgalerye en koffiewinkels en 'n rits verskillende geboue en huise vir gaste om te bewonder. Gaste kan ook die Mosamane-voetslaanroete aandurf, by Moolmanshoek gaan perdry of in die omgewing gaan bergfietsry.

Kry ’n Kwotasie