The Tortoise Shell

Selfsorg

Gratis kansellasie tot 1 week voor jou verblyf!
Kapasiteit: 8 persone
Inkloktyd: 14:00 tot 20:00
Uitkloktyd: 09:00
Adres: Olifantrylaan 146, Marlothpark, Malelane, 1321, Mpumalanga
Alle ouderdomme is welkom
Vanaf R1 600 per nag (plek vir 8)

Beskrywing

The Tortoise Shell is 'n selfsorgvakansiehuis in Marlothpark. Dié wildbewarea is 3 000 ha groot en is teen die Krugerwildtuin se suidelike grens geleë. Die huis is rustiek, maar het tog al die moderne geriewe.

Dié huis het slaapplek vir 8 en beskik oor 4 slaapkamers, 2 badkamers, ‘n gastetoilet en ‘n oopplan-kombuis en -leefarea. 3 kamers het koningingrootte-beddens en die vierde kamer het 2 enkelbeddens. Beddegoed en handdoeke word voorsien. Elke kamer het ‘n klerekas, bedkassies en lampies. Die kamers het ook USB-koppelpunte.

Die huis het 2 gasgeisers. Die 1 geiser is vir 1 badkamers, die gastetoilet en kombuis, en die ander geiser is vir die tweede badkamer. Elke badkamer het ‘n groot stort en daar is 1 bad. Die kamers en die oopplan-sitarea het lugversorging.

Die kombuis is toegerus met ‘n vyfplaat-gasstoof, oond, dubbelyskas, vrieskas, mikrogolf, eetgerei en breekware. Daar is ook ‘n skottelgoedwasser en wasmasjien. Die eetarea het sitplek vir 8 en die sitarea het ‘n gemaklike sitkamerstel.

Daar is ‘n groot boma met ‘n ingeboude bank reg rondom waar gaste heerlik om die vuur kan kuier en dis langs die swembad. Daar is ook ‘n onderdbraai en ‘n aparte pizza-oond. Potte en panne wat op die vuur gebruik kan word, word voorsien. ‘n Gasstofie wat buite gebruik kan word, is ook beskikbaar. Verder is daar 2 kombuiskaste met wieletjies wat tot op die stoep gestoot kan word sodat almal lekker saam kan kuier.

Die groot stoeptafel het sitplek vir 10 met ‘n bankie vir die kinders, genoeg stoele en die etenstafel se stoele kan ook gebruik word. Die huis het ‘n alarmstelsel met gewapende reaksie, so sluit asb. alles wanneer die huis verlaat word. Parkeerplek is onder ‘n dubbelmotorafdak beskikbaar.

Die huis word daagliks skoongemaak, behalwe op Sondae. Die skoonmaker sal die meeste huishoudelike take verrig. Gaste moet asb. laat weet as hulle nie ‘n skoonmaker benodig nie.

Kry ’n Kwotasie