The Treehouse

Selfsorg

Gratis kansellasie tot 1 week voor jou verblyf!
Kapasiteit: 8 mense
Inkloktyd: 14:00 tot 19:00
Uitkloktyd: 10:00
Adres: 10de Laan 105, Pumula, Hibberdene, 4230, KwaZulu-Natal
Alle ouderdomme is welkom
Vanaf R1 560 per nag (plek vir 8)

Beskrywing

The Treehouse het 'n 120º-uitsig en is in die rustige Pumula tussen Hibberdene en Port Shepstone geleë. Pumula is afegeleë, tog naby genoeg aan alles wat mens nodig het. Gaste kan 'n al fresco ontbyt op die dek geniet of in die eetarea ontbyt eet.

The Treehouse is in 'n veilige area geleë. Dit is heeltemal met mure omhein, en het elektriese hekke en genoeg parkeerplek.

Die eenheid het gemaklike slaapplek vir 8 gaste en bied 'n keuse van 3 en suite-slaapkamers met plafonwaaiers op die boonste verdieping. Die eerste 2 slaapkamers het elkeen 'n dubbelbed en 'n asemrowende uitsig oor die see. Die derde slaapkamer het 'n dubbelbed en 'n stapelbed. Linne word voorsien, maar gaste moet hul eie handdoeke saambring. Daar is 'n dek met 'n braai-area, 'n geslote veranda en 'n kroegarea met panoramiese see-uitsigte op dieselfde verdieping.

Die kombuis is volledig toegerus met 'n yskas-vrieskas, stoof, oond, mikrogolfoond, eetgerei en breekware. Die ruim leefarea en eetarea is rondom 'n geelhoutboom wat die dakstruktuur ondersteun. Daar is 'n groot TV met 'n DStv-koppelpunt in die leefarea. Gaste moet asseblief hul eie DStv-dekodeerder en -slimkaart saambring.

Die strand is 8 minute se stap weg en is veral gewild onder vissermanne. Banana-strand en Umzumbe-strand, met hul gety- en rotspoele, haainette, lewensredders en restaurante is 2 minute se ry weg. Hibberdene is 5 minute se ry weg en het Blouvlagstrand-status. Daar word vermaak op Hiberdene se strand gebied in vakansies.

Doendinge langs die kus sluit visvang, branderplankry, skubaduik, bootritte, fietsry- en voetslaanroetes, en 'n aantal gholfbane in. Oribi Gorge is 40 minute se ry weg en bied kloofspring, witwatervlotvaart, abseil en perdry. Lake Eland Wildreservaat is langsaan Oribi Gorge en Wild Coast Casino is 45 minute se langs die kus weg.

The Treehouse is ideaal vir 'n vakansiewegbreek vir groot families of 'n groep vriende.

Kry ’n Kwotasie