The Villa Salt Rock

Selfsorg

Gratis kansellasie tot 1 week voor jou verblyf!
Kapasiteit: 4 persone
Inkloktyd: 15:00 tot 22:00
Uitkloktyd: 11:00
Adres: Garden-weg 8, Salt Rock, Ballitoville, 4420, KwaZulu-Natal
Alle ouderdomme is welkom
Vanaf R1 500 per nag (plek vir 4)

Beskrywing

The Villa Salt Rock is 'n semi-losstaande eenheid wat aan die subtropiese Dolfynkus in die ongerepte kusdoprie Salt Rock geleë is. Hierdie villa is net 200 m van Salt Rock se hoofstrand af.

Die villa is modern gemeubileer en het 2 slaapkamers, 1 badkamer, 'n leefarea en 'n onderdakstoep. Die ruim hoofslaapkamer het 'n koninggrootte-bed, luukse linne en sagte veerkussings. Hierdie slaapkamer het aparte dubbeldeure na die tuin.

Die tweede slaapkamer het 2 enkelbeddens met gehaltelinne en veerkussings. Albei slaapkamers het lugversorging en rakspasie.

Die gedeelde badkamer het 'n stort, 'n wasbak en toilet. Alle linne, bad- en swemhanddoeke word voorsien.

Die leefarea is oopplan en die kombuisie is goed toegerus vir selfsorg met 'n gas- en elektriese stoof, dubbeldeuryskas, Nespresso-koffiemasjien, skottelgoedwasser en wasmasjien. Daar is gemaklike rusbanke en 'n platskerm-TV met DStv-pakket en Netflix in die sitarea. Daar is onbeperkte WiFi deur die huis en die leefarea se deure lei na 'n pragtige tuin.

Die eiendom is nie sigbaar van die straat of strand af nie en 'n natuurlike stroom vloei deur die tuin. Daar is 2 onderdakstoepe, een met sitplek en 'n eetarea en die ander een met 'n braai-area.

Daar is ook 'n orgideë-huisie. Gaste het toegang tot die hele selfsorg-villa, swembad, swembaddek en trampolien. Veilige parkeerplek word ook voorsien. Die eiendom het laserstraal-sekuriteit en Roboguard.

Kry ’n Kwotasie