Tolderia Resort

Voeg by Gunstelinge

 

Beskrywing

Tolderia Resort bied verblyf in selfsorg-chalets en is 50 km oos van Ermelo in Mpumalanga geleë. Dit is perfek vir gaste op soek na rus en vrede, villa-styl verblyf met unieke uitsigte en 'n verskeidenheid geriewe en doendinge op die perseel vir sakereisigers en vakansiegangers.

Daar is 4 selfsorg-chalets, elk met 3 slaapkamers. Die slaapkamers het elk óf 2 enkelbeddens óf 'n dubbelbed en 'n en suite-badkamer met 'n stort en 'n bad, wasbak en toilet. Die moderne kombuis is ten volle toegerus met 'n yskas-vrieskas, 'n mikrogolfoond, 'n oond met 'n stoof, 'n skottelgoedwasser en oorgenoeg ingeboude kaste vir eetgerei, breekware en ander toebehore.

Die leefkamer bied 'n kaggel vir daardie koue aande en 'n TV met sekere DStv-kanale. Die skuifdeur bied toegang tot 'n veranda met privaat braaigeriewe en 'n verhitte swembad.

Die oord het ook 'n eetarea met die naam Tolderia Rocks wat as 'n venue vir sosiale of korporatiewe funksies gebruik word en dit het 'n groot, natuurlike rots wat oor dit hang, sowel as 'n lieflike waterval. Dis geskik vir vermaak, funksies, konferensies en troues en sluit ook nog 'n verhitte swembad, 'n ten volle toegeruste kombuis, 'n braaiplek en kroeg, tafels en genoeg sitplek vir 80 mense in. Alternatiewelik het die oord ook 'n aangewese area vir 'n markiestent wat jou gastelys 'n bietjie langer kan maak.

Tolderia Resort bied unieke uitsigte en 'n verskeidenheid doendinge op die perseel. Die natuurlike heuwels en die prag van die 2 damme maak voorsiening vir talle geleenthede soos voëlkyk, staproetes, watersport en visvang ? en dit alles op jou drumpel.

Kenmerke

  •  Swembad
  •  Braaiplek

Aktiwiteite op perseel

  •  Baarshengel
  •  Voëlkyk
  •  Swem

Geriewe

  •  Swembad
  •  Braaiplek
  •  Satelliet-TV

Kaart Meer oor die omgewing 

Gaste wat na Tolderia Resort gekyk het, het ook belangstelling getoon in die volgende lekke plekke:

Vanaf R2 400 per nag (plek vir 6)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za