+19

Toverberg Guest Houses

217 resensies

Gastehuis

Voorkeurvennoot
Kapasiteit: 13 persone
Inkloktyd: 14:00 tot 00:00
Uitkloktyd: 10:00
Adres: Charl Cilliers-straat 4, Colesberg, 9795, Noord-Kaap
Alle ouderdomme is welkom
Vanaf R960 per nag (vir 2 persone)

Beskrywing

Toverberg Guest Houses bestaan uit 'n aantal opgeknapte huise in die stil deel van Colesberg. Colesberg is 'n oase vir die reisiger langs die hoofroetes vanaf die kus of die binneland, en hiér kom die N1 en die N9 bymekaar.

In Bellstraat, 'n plek ryk aan geskiedenis, bied ons twee- en eenslaapkamer-eenhede met beperkte selfsorg-geriewe. Elke eenheid het 'n sitarea met sekere DStv-kanale en 'n motorhuis of parkeerplek agter 'n sekuriteitshek. Die parkeerplek is dalk 'n bietjie knap vir reuse-bakkies.

Die verblyf is kindervriendelik en by sommige eenhede is diere welkom, mits dit vooraf so gereël is. Restaurante, die museum en winkels is stapafstand.

Sedert sy ontstaan is Colesberg 'n bedrywige dorp, ontmoetingspunt en rusplek vir reisigers. Dit was die toegangsroete na die noorde vir jagters en fortuinsoekers - en vir diegene op pad na die kus. Vandag is dit ook die suidelike toegangsroete na die 'Xariep Toerisme Roete R58. Hierdie roete sluit Norvalspont, Gariepdam, Venterstad, Oviston en Bethulie in.

Die Colesberg-Kemper Museum met sy 19de eeuse speelgoedversameling is ook waar die UNISA Karoo Nomad Photographic Exhibition gehuisves word. Kyk veral uit na die Anglo-Boereoorlog- en Struggle-kamers. Saam met dié geskiedkundige besienswaardighede kan jy ook verskeie ander geriewe in Colesberg geniet. Die gholfbaan spog byvoorbeeld met welige groen gras en uitstekend toegeruste geriewe. Hier is ook 'n tennis- en rolbalbaan asook verskeie fiets- en staproetes, verskeidenheid soorte voëls en tipiese Karoo-sonsondergange.

Ons nooi jou uit om die dorp te besoek en te ervaar, en die hartlike gasvryheid te kom geniet.

Kry ’n Kwotasie