Tshukudu

Wildsplaas

Gratis kansellasie tot 1 week voor jou verblyf!
Soos Gesien op Instagram
Kapasiteit: 20 persone
Inkloktyd: 11:00 tot 13:00
Uitkloktyd: 10:00
Adres: Pilanesberg Nasionale Park, Noordwes, 6000, Noordwes
Geen kinders onder 12
Vanaf R10 913 per nag, vir 2 mense

Beskrywing

Tshukudu, een van Pilanesberg se bekendste lodges, lê teen 'n heuwel en word deur die Pilanesberg Nasionale Park se pragtige berge omring. Dié lodge is baie romanties, dis in die oorblyfsels van 'n uitgedoofde vulkaan, en spog met 'n uitsig oor die grasveld en 'n watergat. Onder op die vlakte wei die wild en word die Groot 5 gereeld gewaar.

Die lodge het 4 Luukse Tshukudu-suites en 6 Luukse Chalets en is gemáák vir paartjies wat smag na 'n salige, romantiese wegbreek of diegene wat hulself net 'n bietjie wil bederf. Elke chalet is uniek ontwerp en beskik oor 'n oopplan-sitarea en slaapkamer, 'n kaggel en 'n privaat balkon met uitsigte oor die vlaktes.

Tshukudu is bekend vir sy puik diens, die bosveld-ervaring, die gehalte van die veldgidse en die unieke Afrika-kookkuns wat hier voorgesit word.

Gaste kan gerus aansluit by die wildritte wat twee maal per dag plaasvind en deur ons hoogs ervare en - opgeleide gidse gelei word. Tshukudu is uiters luuks en bied een van die beste bosveld-ervarings in Suid-Afrika. Gratis WiFi word voorsien. Daar is 132 trappe wat lei na die lodge, en 'n verfrissende rotspoeletjie.

Kry ’n Kwotasie