Astoni Guest Lodge Twins

Selfsorg

Gratis kansellasie tot 1 week voor jou verblyf!
Kapasiteit: 20 persone
Inkloktyd: 14:00 tot 23:00
Uitkloktyd: 10:00
Adres: Beefwood-straat 70, SE 3, Vanderbijlpark, 1911, Gauteng
Alle ouderdomme is welkom
Vanaf R995 per nag, vir 2 mense

Beskrywing

Astoni Guest Lodge Twins is 'n stil gaste-lodge in 'n gesogte area in Vanderbijlpark, Gauteng, net 500 m vanaf die Emerald Resort and Casino. Die oord is onafhanklik van die tradisionele kragnetwerk en maak van sonkrag gebruik. Daar is ook boorgatwater wat getoets, gesertifiseer en veilig is vir menslike verbruik.

Verblyf word in 9 eenhede gebied, naamlik Rejoice, Believe, Joy, Love, Grace, Hope, Peace, Prosper en Blessing. Daar is 2 aparte gemeenskaplike kombuise met 'n wasmasjien-tuimeldroër, gasstowe, oonde, mikrogolwe, broodroosters, yskas-vrieskaste, tee- en koffiemaakgeriewe, asook areas om te eet.

Rejoice, Believe en Joy het toegang tot die eerste kombuis. Grace, Hope en Peace het direkte toegang tot die tweede kombuis. Prosper is apart maar het ook toegang tot die tweede kombuis. Love het nie toegang tot 'n kombuis nie, maar het selfsorggeriewe in die eenheid. Al die eenhede het badkamers met storte.

Al die eenhede behalwe Joy bied slaapplek aan 2 volwassenes. Joy het slaapplek vir 4 volwassenes. Kinders kan geakkommodeer word met opblaasmatrasse, afhangend van die eenheid se grootte. Rejoice en Believe het slaapplek vir 2 gaste met 2 enkelbeddens wat in 'n koninggrootte-bed omskep kan word. Joy het 2 driekwartbeddens en 'n dubbelbed. Al die ander eenhede het 'n dubbel- of koningingrootte-bed.

Elke eenheid het 'n platskerm-TV met sekere DStv-kanale, lugversorging, onbeperkte WiFi, 'n kluis, tee- en koffiemaakgeriewe, 'n yskassie en digte gordyne. Joy en Love het elkeen 'n mikrogolf, broodrooster and 'n kas met eetgerei. Rejoice, Believe en Joy het houtstapeldeure wat na die stoep toe lei met 'n ingeboude braai en swembad. Peace het 'n direkte uitsig oor die swembed en het ook direkte toegang. Prosper het 'n houtdek met 'n uitsig oor die tuin en die swembad. Daar is 'n boma met ingeboude braaigeriewe.

Blessing is 'n aparte woonstel met 'n goed toegeruste kombuis, slaapkamer, sitarea en badkamer. Dit het 'n aparte ingang en 'n veilige, beskutte parkeerplek. Die kombuis is met 'n gasstoof, oond-en-mikrogolf, verskillende mikrogolwe en 'n yskas-vrieskas toegerus. Daar is ook 'n wasmasjien-tuimeldroër en 'n skottelgoedwasser. Ander geriewe sluit 'n L-vormige rusbank, groot slim-TV met sekere DStv-kanale, lugversorging, onbeperkte WiFi, 'n kluis en 'n drombraai om buite te gebruik. Blessing is ideaal vir 'n enkelpersoon of 'n paartjie. Sakereisigers is ook welkom.

Kry ’n Kwotasie