Umbabala Bush Camp

Voeg by Gunstelinge

 

Beskrywing

Umbabala Bush Camp is 'n selfsorg-oord op 'n wildplaas, ideaal vir natuurliefhebbers wat ekstra kostes wil uitsny.

Besoekers word aangeraai om hul eie benodighede (kos, drankies, beddegoed, handdoeke, ens.) te bring aangesien daar nie 'n kiosk op die plaas is nie. Gaste voorsien hul eie beddegoed en handdoeke, maar dit kan ook teen addisionele koste voorsien word mits dit vooraf versoek is.

Ons het 'n klipswembadjie op die perseel wat tot die gaste en die wild se beskikking is.

Umbabala is nie gegradeer nie. Elke chalet het 'n grasdak, een kamer met kombuisgeriewe (net ketel, broodrooster en 'n en-suite badkamer (slaapkamer en badkamer is 'n eenheid). Daar is ook 'n rustieke privaat braai-area.

Umbabala Bush Camp is geleë op die Wysfontein pad, 40 km van Rustenburg en 55 km van Sun City af, tussen Magaliesberg en Pilanesbeg en omring deur bosveldplantegroei.

Ons is geleë in 'n landelike bosveldgebied. Moet asseblief nie enige teerpaaie verwag nie. Die paaie hier is klipperig en stamperig - eerder geskik vir 4x4-motors. Kleiner motors kan wel gebruik word, maar dan moet mens stadiger as 20 km per uur ry om skade te voorkom.

Ons het 7 selfsorg-chalets en een gesinseenheid met 'n onderdak braai-area. Elke chalet het 'n dubbelbed en 2 enkelbeddens in een vertrek. Die kombuis is oorkant die beddens en daar is ook en-suite badkamers. Die privaat stoep is toegerus met 'n braai-area.

Daar is geriewe beskikbaar vir rampartytjies, familiefeeste en selfs kinderpartytjies. Spyseniering kan op versoek voorsien word. Geniet die voetslaanroetes, wild- en voëlkyk. Die wild word nie ingeperk deur heinings nie. Die beste wildbesigtiging is te voet. Perdry op versoek.

Die gesinseenheid is ideaal vir 2 gesinne (9 gaste) of groter groepe. Dié eenheid het 3 kamers. Kamer 1 en 2 akkommodeer 3 mense, het 'n dubbelbed en 'n enkelbed. Kamer 2 beskik oor sy eie toilet en wasbak. Daar is ook 'n ekstra aparte badkamer (bad en toilet) en kombuis. Kamer 3 het 3 enkelbeddens met 'n toilet en wasbak. Die baie informele sitkamer het 'n kaggel. Die lapa het 'n ingeboude braai.

'n Beperkte aantal waentjies en karavane kan op die perseel geakkommodeer word. Dit is ideaal vir besoekers wat daarvan hou om in die bosveld te kampeer. Die ablusieblok het 1 toilet en 2 storte.

Kenmerke

  •  Afrikaans
  •  Braaiplek
  •  Veilige Parkering

Aktiwiteite Naby

  •  Perdry
  •  Visvang
  •  Baarshengel
  •  Groot 5
  •  Voëlkyk
  •  Fietsry
  •  Wildritte
  •  Wildkyk
  •  Begeleide Wandelpaaie
  •  Bergfietsroetes
  •  Swem
  •  Tennis

Aktiwiteite op perseel

  •  Visvang
  •  Voëlkyk
  •  Fietsry
  •  Wildkyk
  •  Begeleide Wandelpaaie
  •  Bergfietsroetes
  •  Swem

Betaalopsies op Perseel

  •  Kontant

Geriewe

  •  Begeleide Wildritte as Ekstra
  •  Braaiplek
  •  Kombuisgeriewe
  •  Geen Rook Binnenshuis
  •  Malaria-vrye streek
  •  Selfsorg

Hier praat ons

  •  Afrikaans
  •  Engels

Parkeerplek

  •  Veilige Parkering
  •  Agter Elektriese Hek

Kaart Meer oor die omgewing 

Gaste wat na Umbabala Bush Camp gekyk het, het ook belangstelling getoon in die volgende lekke plekke:

Vanaf R360 per nag (plek vir 4)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | [email protected]

// Hotjar AB false