VlakkiesKraal Guest Farm

Selfsorg

Kapasiteit: 16 mense
Inkloktyd: 14:00 tot 20:00
Uitkloktyd: 10:00
Adres: Plaas 23, Tweefontein, Bela-Bela, 0480, Limpopo
Alle ouderdomme is welkom
Vanaf ~~R500~~ R450 per nag (plek vir 2)

Beskrywing

VlakkiesKraal Guest Farm bied 'n onvergeetlike ervaring in die hartjie van die bosveld in Bela-Bela. Dit is ideaal vir 'n klein gesin, 'n paartjie of 'n groot groep aangesien die verblyf 'n gedeelde plonspoel het.

Hierdie plaas bied verblyf in die Bush House met slaapplek vir 6, twee tentkampe met slaapplek vir 4 elk en 'n Bosvark Cabin met slaapplek vir 2. Die Bush House beskik oor 2 slaapkamers waarvan een 'n koningingrootte-bed en die ander 'n dubbelbed het. Daar is ook 'n dubbelslaapbank in die sitarea. Die tentkampe het elk 'n koningingrootte-bed en 2 enkelbeddens en die Bosvark Cabin het 'n koningingrootte-bed. Elke eenheid het sy eie badkamer met óf 'n bad óf 'n stort.

Al 4 eenhede het hul eie kombuis wat met 'n stoof, mikrogolfoond, yskas-vrieskas, eetgerei, breekware en tee- en koffiemaakgeriewe toegerus is. Die Bush House het ook 'n oond. Boonop is daar 'n eetplek vir gaste in elke eenheid en beide die Bush House en die Bosvark Cabin het 'n TV.

Buite elke eenheid is 'n stoep met sitplek en braaigeriewe. Alle gaste het toegang tot 'n gedeelde plonspoel. Hierdie plaas is ongeveer 5 km vanaf Sondela Nature Reserve & Spa geleë, en Bothasvley Natuurreservaat is sowat 18 km vanaf die verblyf.

Kry ’n Kwotasie