Beskrywing

Widenham Holiday Flat is 'n selfsorgwoonstel wat volledig gemeubileer is, 'n privaat ingang het en in Widenham, Umkomaas geleë is. Dis net 2 minute se ry vanaf die strand, 'n gholfbaan, rolbalbaan, restaurante, duikplekke en winkels.

Dié woonstel het slaapplek vir 4 gaste en beskik oor 2 slaapkamers, 1 badkamer, 'n kombuis, 'n eetarea en leefarea. Elke slaapkamer het 'n dubbelbed en die badkamer het 'n stort, toilet en wasbak.

Die kombuis is goed toegerus met 'n oond, elektriese braaipan, broodrooster, eetgerei en breekware. Die eetarea het 'n ronde etenstafel met 5 stoele en die sitkamer het 'n platskerm-TV met DVD-speler.

Die eienaars woon op die perseel en het 'n groot hond.

Die woonstel het 'n rivier- en see-uitsig. Daar is braaigeriewe en 'n swembad, asook veilige parkeerplek.