Windsor House

Gastehuis

Soos Gesien op Instagram
Kapasiteit: 6 persone
Inkloktyd: 14:00 tot 22:00
Uitkloktyd: 10:00
Adres: Windsorlaan 9, Tokai, Kaapstad, 7945, Wes-Kaap
Geen kinders onder 18
Vanaf R1 250 per nag, vir 2 mense

Beskrywing

Windsor House is in Tokai, Kaapstad, naby die Constantia-wynvallei geleë. Dié area is baie gewild onder internasionale en plaaslike toeriste.

Verblyf word in 3 eenhede gebied en bied slaapplek aan 6 gaste in totaal. Die eenhede sluit die Constantiaberg-suite, Garden-suite en Boho-suite in.

Die Constantiaberg-suite is op die boonste verdieping op 'n mezzanine-vlak en het 'n koninggrootte-bed en 'n groot en suite-badkamer met 'n stort en 2 wasbakke. Die suite lei na 'n oopplan-sitarea en -eetarea met 'n privaat stoep wat 'n uitsig oor die tuin, gazebo en groot swembad bied. Die kombuisie is met 'n yskassie, mikrogolfoond, lugbraaier en 'n Nespresso-koffiemasjien toegerus. Ander geriewe sluit 'n TV met DStv en gratis WiFi in.

Garden-suite het 'n koningingrootte-bed en 'n aparte, privaat badkamer reg oorkant die slaapkamer wat 'n stort en 'n bad het. Daar is ook lugversorging, 'n groot werkspasie, gratis WiFi en 'n TV met DStv. Ander geriewe sluit 'n koffiemasjien, mikrogolfoond en 'n yskassie in. Gaste het hul eie sitarea in die kamer en dit lei na die swembad en tuinarea.

Boho-suite het 'n oopplan-uitleg met 'n koningingrootte-bed en 'n oopplanbadkamer agter die kopstuk. Die kamer is met 'n yskassie, waaier, 'n TV, WiFi, 'n Nespresso-koffiemasjien en tee- en koffiemaakgeriewe toegerus, en lei na 'n privaat binnehof.

Ander geriewe op die perseel sluit veilige parkeerplek, WiFi, 'n swembad, gazebo met 'n grasdak en 'n braai-area in. Let asb. dat die eienaar op die perseel woon.

Kry ’n Kwotasie