Wyndford Holiday Farm

Voeg by Gunstelinge

 

Beskrywing

Wyndford Holiday Farm is 'n puik, dog bekostigbare vakansiebestemming vir die hele gesin en verblyf hier by ons sluit boonop 3 smullekker maaltye per dag in. Die plaas is uiters bekoorlik en skilderagtig en dit bied die geleentheid om heeltemal weg te breek van die alledaagse gejaag en nader aan jouself, die mense in jou lewe, die natuur en God te wees.

Wyndford is tussen die unieke rotsformasies van die Rooiberge in die Oos-Vrystaat geleë en Lesotho se sneeubedekte Malutiberge is ook dynserig in die verte te siene. Die 6 km van die Caledonrivier op die plaasgrens skei die plaas van Lesotho. As die rivier vol is kan 'n mens lekker met 'n binneband op die water baljaar en as die rivier leeg is kan jy na agaat gaan soek.

Kom ervaar die koue: As dit sneeu kan jy 'n sneeuman bou, 'n sneeugeveg hou of jy kan vir die dag gaan ski by Lesotho se Afri Ski. Hierna kan jy terugkeer na jou knus kamer en lekker om die kaggelvuur kuier. Gaan op 'n daguitstappie na die Katsedam en geniet 'n lekker plaaspiekniek of besoek die prentjiemooi dorpie, Clarens, wat net 25 minute weg is.

Die akkommodasie wissel van Switserse Chalets tot meer eenvoudige, dog luukse, dubbelkamers, rondawels en gesin-suites met skakelkamers. Die kamers het en suite-badkamers of gedeelde ablusiegeriewe naby.

Geniet heilsame, natuurlike, smullekker kos wat voorberei word met mineraalwater, organiese melk en seisoenale vrugte en groente wat op die perseel verbou word. Die tradisionele middagete na kerk op Sondae is absoluut hemels en dis 'n wonderlike geleentheid om 'n verjaarsdag of spesiale geleentheid te vier.

Gaan koel lekker af in ons groot swembad of speel 'n bietjie rolbal. Jy kan ook jou eie fiets saambring en 'n paar van die bergfietsroetes aanpak. Wynford het ook 2 tennisbane waarvan 1 spreiligte het, so dis ideaal vir aksie-krieket na sononder.

Laat die jong klomp 'n bietjie perdry met die begeleide ritte elke dag of geniet self die lieflike landskap en die stilte terwyl ons betroubare perde jou oor die berg neem. Begeleide staptogte kan ook elke dag onderneem word.

Verder is daar ook 'n 60 m zipline deur die woud of die avontuurvrate kan gaan abseil. Verken die grotte of ontspan in een van die stoele in die woud terwyl jy kyk hoe die kinders in die boomhuise speel. Die plaas spog met omtrent 7 grotte om te gaan verken!

Kaart Meer oor die omgewing 

Gaste wat na Wyndford Holiday Farm gekyk het, het ook belangstelling getoon in die volgende lekke plekke:

Vanaf R2 100 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | [email protected]

// Hotjar AB false