Zimbi Lodge

Lodge

Kapasiteit: 16 persone
Inkloktyd: 14:00 tot 19:00
Uitkloktyd: 10:00
Adres: Erf 4 Nooitgedacht, Modimolle, 0510, Limpopo
Alle ouderdomme is welkom
Vanaf R900 per nag, vir 2 mense

Beskrywing

Zimbi Lodge skuil in Limpopo se uitsonderlike Waterberg-bosveldstreek en bied asemrowende, panoramiese uitsigte op die berge en oor die bosveld. Dié lodge het 'n moderne ontwerp met staal-, glas- en klip-afwerkings. Dis die verpersoonliking van kontemporêre elegansie en bied al die geriewe van 'n ekslusiewe oord.

Zimbi Lodge word privaat besit en bied 'n ware gesin-gevoel. Die lodge word bestuur deur 'n kundige span wat gehaltediens verskaf en 'n onvergeetlike ervaring verseker.

Daar is 4 superieure lodges met en suite-badkamers en 180°-uitsigte op die Waterberge. Elke lodge bied toegang tot 'n privaat balkon. Verskeie geriewe is in die kamers beskikbaar om te verseker dat daar aan alle behoeftes voldoen word. Die kamers is elkeen elegant versier en het 'n koninggrootte-bed of 2 driekwartbeddens met 100%-katoen perkallinne en ’n en suite-badkamer met ’n stort, bad en dubbelwasbak. Toiletware en japonne word ook voorsien. Ander geriewe sluit lugversorging, ’n gasaangedrewe kaggel, kluis, yskassie met verversings en tee- en koffiemaakgeriewe in. ’n Haardroër is beskikbaar by ontvangs.

Sowat 800 m vanaf die lodge is die tweede, vrystaande eenheid, Zimbi Kamp. Daar is ’n volledig toegeruste kombuis, sitarea en 2 kamers met slaapplek vir 8 gaste. Buite is daar ’n veranda met ingeboude braaigeriewe, ’n braai-boma en buitestorte.

Die hooflodge is oopplan en het ’n moderne kombuis, eet- en kroegarea wat ’n uitsig op die Waterberge het. Die lodge bied verskeie geriewe soos veilige parkeerplek, 'n swembad, braai-boma en marquees-boma. Daar is ook ’n wynkelder wat vir verskeie geleenthede gebruik kan word soos vergaderings, wynproe, privaat aandetes, privaat funksies en klein, intieme troues. Daar is plek vir tot 60 mense in die wynkelder.

Kry ’n Kwotasie