Zuidste Huisie

Selfsorg

Kapasiteit: 6 mense
Inkloktyd: 14:00 tot 19:00
Uitkloktyd: 10:00
Adres: 203 Zandt Cresent, Struisbaai, 7285, Wes-Kaap
Alle ouderdomme is welkom
Vanaf R2 500 per nag (plek vir 6)

Beskrywing

Zuidste Huisie is 'n selfsorg-vakansiehuis in Struisbaai. Dit is perfek vir 'n groep of 'n gesin wat op soek is na gerieflike verblyf, naby aan die see, en tog weg van die stad se gedruis af.

Die huis beskik oor 3 slaapkamers met en suite-badkamers en is ten volle gemeubileer vir jou gerief. Die hoofslaapkamer is ingerig met 'n koningingrootte-bed en die tweede kamer het 2 enkelbeddens. Die derde kamer is 'n kothuis buite die hoofgebou met nog 'n koningingrootte-bed. Die leefarea is oopplan en goed toegerus. Die kombuis spog met geriewe soos 'n yskas, 'n mikrogolfoond, oond met 'n stoof, 'n wasmasjien en tuimeldroër asook oorgenoeg ingeboude kaste.

Die eetkamertafel het sitplek vir 6 mense en die leefarea het gemaklike sitplek en 'n TV met sekere DStv-kanale. Die leefarea en eetarea maak oop op die vermaak-area met 'n beskutte pergola met braaigeriewe.

Daar is parkeerplek beskikbaar vir 1 voertuig en Zuidste Huisie is slegs 150 m vanaf die strand. Daar is 'n plankpaadjie vanaf Zuidste Huisie tot op die strand om toegang daartoe te vergemaklik. Die huis is ook stapafstand van die Struisbaai Hawe waar daar verskeie winkels en restaurante is.

Kry ’n Kwotasie