96 Ernest Road

Beskrywing

96 Ernest Road is 'n knus selfsorgwoonstel met 'n privaat ingang, geleë op die eienaar se eiendom in Kensington, Johannesburg. Dit is ideaal vir sakereisigers en vakansiegangers wat op soek is na 'n rustige en gerieflike tuisbasis vanwaar hulle die omgewing kan verken en geniet.

Hierdie eenheid bied slaapplek vir tot 2 gaste en bestaan uit 'n oopplan-slaaparea en privaat badkamer. Die slaaparea is gemeubileer met 'n dubbelbed en die badkamer is toegerus met 'n stort, wasbak en toilet. Beddegoed en badhanddoeke word voorsien.

Die kombuisie is toegerus met 'n yskas-vrieskas, tweeplaat-gasstoof, eetgerei en breekware, asook tee- en koffiemaakgeriewe. Toegang tot WiFi is beskikbaar.

Gaste kan 'n buitepatio met 'n braai en veilige parkering op die perseel geniet. Verskeie plaaslike geriewe soos winkels en restaurante is naby, met O.R. Tambo Internasionale Lughawe ongeveer 18 km weg. Besienswaardighede in die omgewing sluit in Rhodes Park, Ellis Park, Johannesburg Stadion, Gold Reef City en verskeie museums.