+48

Selfsorg in George's Vallei

Diggersrest Lodge

4.3

Sien 83 resensies

Gratis kansellasie tot 1 week voor jou verblyf!
20 gaste
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Paardeplaats H1.1, Magoebaskloof, Haenertsburg, 0730, Limpopo Sien kaart

Beskrywing

Ons wegbreek tussen die berge, Diggersrest Lodge, is bo-op die Magoebaskloof geleë. Ons verblyf is in pragtige tuine weggesteek met ongelooflike uitsigte op die valleie en berge naby aan die prentjiemooi dorpie, Haenertsburg. Dis net 1½ ure van die Krugerwildtuin in Limpopo af. Die akkommodasie word aangebied in 'n groot hoofhuis en 2 kothuise, almal selfsorg. Dit is perfek vir gaste wat huislike akkommodasie benodig in 'n rustige ligging wat tog naby aan die stad is.

Die Main Lodge House het 4 unieke eenhede met en suite-badkamers. Die kamers beskik oor dubbel-, koningingrootte- of enkelbeddens met 'n bad of 'n stort in die en suite-badkamers. Elke eenheid het sy eie yskas, koffie- en teemaakgeriewe, glase en wynglase.

Die 2 kothuise is heeltemal apart van die Main Lodge en dis weggesteek in die welige tuine op die perseel. Die kothuise het 1 of 2 slaapkamers en is toegerus met 'n koningingrootte-bed, 'n dubbelbed of 2 enkelbeddens met 'n badkamer met 'n bad en 'n stort, sowel as 'n aparte toilet. Dié eenhede is ideaal vir klein gesinne of paartjies en dit beskik ook oor 'n toegeruste oopplan-kombuis, -eetkamer en -sitkamer met 'n kaggel en 'n TV sowel as 'n groot patio.

Gaste kan ook die gemeenskaplike swembad en braaigeriewe op die perseel geniet en daar is gratis, veilige parkeerplek vir voertuie. Daar is heelwat besienswaardighede en doendinge naby aan Diggersrest Lodge, soos bv. voëlkyk, voetslaan deur die inheemse woude, bergfietsry, visvang, Debengeni-watervalle, boomtop-toere of besoeke aan restaurante en bekoorlike winkeltjies in Haenertsburg. Daar is gratis onbeperkte WiFi regoor die perseel beskikbaar!

Bespreek