+61

Selfsorg in Marlothpark

Intundla's Rest

4.9

Sien 17 resensies

6 gaste

3 slaapkamers

4 beds

3 badkamers

6 gaste
Alle ouderdomme is welkom
Inkloktyd: 14:00 tot 18:00
Uitkloktyd: 10:00
424 Karee Avenue, Marloth Park, 1321, Mpumalanga Sien kaart

Beskrywing

Intundla's Rest is 'n selfsorgvakansiehuis in Marlothpark, 'n natuurreservaat en vakansiedorp suid van die Krugerwildtuin. Hier wei vrylopende wild soos koedoes, kameelperde, sebras, vlakvarke en wildebeeste.

Die grasdakhuis het plek vir 6 gaste en beskik oor 2 slaapkamers, 'n solderkamer, 3 badkamers, 'n leefarea en 'n kombuis. Die hoofslaapkamer het 'n dubbelbed en 'n en suite-badkamer met 'n stort. Die tweede slaapkamer is in die kothuis langs die hoofhuis en het 'n dubbelbed en 'n aparte badkamer met 'n stort. Daar is ook koffiemaakgeriewe en 'n yskas. Die solderkamer lei na 'n dek, het 2 enkelbeddens en bied toegang tot sy eie badkamer met 'n stort.

Die kombuis is met 'n yskas-vrieskas, oond, gasstoof, mikrogolf, skottelgoedwasser, koffiemasjien, ketel en broodrooster toegerus. Daar is 'n gemaklike sitkamerstel en 'n etenstafel vir 6 in die leefarea. Daar is ook lugversorging in twee van die slaapkamers en die leefarea. Die leefarea het 'n TV en die huis het gratis WiFi en 'n alarmstelsel. Daar is ook 'n omsetter vir die WiFi in die geval van beurtkrag, sowel as 'n omsetter waaraan die TV, yskas-vrieskas, alarm en lig gekoppel is.

Die huis bied toegang tot 'n stoep wat 'n uitsig oor die plonspoel en die boma bied. Daar is veilige parkeerplek op die perseel wat deur 'n plaaslike sekuriteitsfirma beskerm word.

Bespreek