Beskrywing

Moringa Gardens Self-catering Apartment bied gerieflike selfsorgverblyf in 'n woonstel wat smaakvol versier is en in 'n veilige kompleks in Swakopmund se middedorp geleë is. Dié kompleks is stapafstand vanaf die strand en is die ideale basis van waar jy die omgewing kan verken.

Dié ruim woonstel bied uitsigte oor Swakopmund en beskik oor 3 slaapkamers, 2 badkamers en 'n oopplan-kombuis, -sitkamer en -eetarea. Die hoofslaapkamer het 'n dubbelbed en 'n en suite-badkamer. Die tweede slaapkamer het 'n dubbelbed en die derde slaapkamer het 'n driekwartbed en 'n uittrek-enkelbed. Die tweede badkamer word gedeel. Die woonstel is lig en modern en 'n paar areas lei na balkonne.

Die woonstel het 'n TV met sekere DStv-kanale, 'n wasmasjien, tuimeldroër en bied 'n outomatiese tandem-motorhuis. WiFi is beskikbaar. Die kompleks is veilig en het 24 uur-sekuriteit.