Beskrywing

Olyf Guest Cottage is op 'n kleinhoewe in die noordelike deel van Bloemfontein. Dit is net 5 km vanaf die naaste winkelsentrum en 3 km vanaf die naaste hospitaal.

Die losstaande kothuis bied slaapplek aan 4 gaste en beskik oor 1 slaapkamer, 1 badkamer en 'n oopplan-kombuis en -leefarea. Die slaapkamer het 'n koninggrootte-bed en daar is 'n dubbelslaapbank in die leefarea. Die badkamer het 'n losstaande bad, 'n stort, dubbelwasbak en 'n toilet.

Die kombuis is met 'n stoof, oond, yskas-vrieskas, mikrogolfoond, eetgerei en breekware toegerus. Die sitarea het 'n gemaklike sitkamerstel en 'n kaggel. Daar is ook onbeperkte WiFi en 'n TV met sekere DStv-kanale.

Die leefarea lei na 'n lieflike stoep met 'n akkerhouttafel, bankies en 'n uitsig oor die eindelose graslande. Braaigeriewe en 'n vuurput is ook beskikbaar.