Rustigheid. Skoonheid. Stilte. Vrede. Onverwags was 'n halfwegstasie vir ons trip Kaap toe. Ek wens ek kon 'n week gebly het. Ons gasheer en gasvrou was vriendelik, dierbaar en goedhartig. Dit het gevoel asof ons tuisgekom het. Nerens kan mens meer welkom voel nie. En al die duisende sterre in die Karoo-hemel was asemrowend.

Rustige, heerlike aand onder 'n hemel van sterre in die hartjie van die Karoo. Ons het heerlik gebly. Ruim Karoo plaashuis met karakter. Neem jou terug in tyd. Rustig, pragtige omgewing. Vriendelike gasheer.

Baie geniet. Baie vriendelike mense.

Sou graag langer wou bly het. Was aangenaam verras met die plekkie weggesteek van alles.

Heerlike, rustige wegbreek van die gejaagtheid van moderne lewe. Ons het verskriklik lekker gebly by Onverwags, en is met groot gasvryheid ontvang. Dit is 'n baie gerieflike oopplan ou plaashuis, met outentieke dekor, wat mens terugneem in tyd na 'n ander era. Die plek het die wonderlikste kaggel, met genoegsame brandhout ingesluit. Alles was skoon en netjies, die groot tafel die beste kuierplek, en die kamer gerieflik met 'n stewige katel en beslis alles wat mens nodig het. Dit bied 'n behoorlike wegbreek van die gejaagtheid van vandag se lewe. Die grondpad mag vir party mense uitdagend wees en 'n 4 x 4 is aan te bevelen.

Baie aangenaam. Vriendelik behulpsame gasheer en gasvrou. Baie lekker gerus in 'n baie veilige omgewing!

Ons het heerlik gekuier in 'n ruim huis. Dit is rus vir jou siel op Onverwags. Sal definitief weer gaan.

Dit is wel nie naby die dorp nie, maar dit was lekker om in 'n ou plaashuis te kon bly. Die eienaars is ook baie gasvry. Die idee was om Nieu-Bethesda beter te leer ken, en Onverwags was 'n goeie opsie. Fox en Ilse was baie behulpsaam en ons het die kuier baie geniet.

Baie sentraal tot Nieu-Bethesda . Plaasatmosfeer en wonderlikke ruimtes. Goed geleë vir verblyf van meer as een nag om omgewing en Nieu-Bethesda te verken. Lekker begfiets roetes. Vriendelike eienaars.

Dis 'n ver ent om weg van die hoofpad te ry, maar die natuurskoon is baie mooi, selfs in die winter. Ons het lekker oorgeslaap. Die padaanwysings is nie heeltemal duidelik nie. Ons moes bel om verkeerde afdraaie te vermy.