Teleurstellend en swak van Sanparke, uiters swak. N groot nee: 1. Die kampterrein is vuil (ou wiel bande x3, rommelblikkies en bottels). Duidelik word daar geen instandhouding gedoen nie. 2. N vaste vee-kraal is opgerig in die kampterrein onder die beste boom in die terrein. Ek betaal vir n behoorlike staanplek, waarom moet n veeboer die voordeel kry? Daar is afgebakende vee-kraal poste aangedui in die park waar die plaaslike bevolking hulle vee (bokke) mag/kan berg, daar is geen aanduiding binne die kampterrein nie! 3. Geen moeite word gedoen om bome te snoei vir skaduwee nie. Daar is geen aanduiding van staanplekke nie. Die park kan ten minste n poging aanwend om dit gerieflik te maak vir n kampeerder in terme van n staanplek (skaduwee en n aanduiding). 4. Vloed rommel (takke, stompe, ens.) vorm deel van instandhouding/skoonmaak. Sekerlik kan dit op n manier verwyder word. Volgens n parke verteenwoordiger word daar inspeksies op Dinsdae en/of Donderdae by die kampterreine gedoen. In my opinie is dit net n tick-merk en word geen aksie deur die parke-instandhouding afdeling en bestuur gedoen om die natuur, omgewing en kampterrein skoon en netjies te hou nie. In my opinie is dit verskonings van bestuur en halfhartige optrede van die parke-bestuur om hulle verantwoordelikheid teenoor die natuur, kampeerder/besoeker te vervul. Behalwe vir die pragtige natuur en vars lug was Richtersberg kampterrein n groot teleurstelling en ek hoop dat drastiese stappe geneem sal word deur die parke-bestuur om my en ander besoekers se teleurstellings te adresseer. Swak - SA Nasionale parke, swak, swak, swak! Trek op julle sokkies.